Aprobado polo Decreto da Alcaldía do 11 de maio de 2015 o expediente de contratación, incluídos os pregos de cláusulas administrativas particulares-técnicas que rexerán o concurso para adxudicar a contratación do servizo de xestión da escola infantil do Concello da Guarda, expóñense ao público durante 8 días, contados a partir do seguinte ao da última publicación do presente anuncio no Diario Oficial de Galicia ou no BOP, para que poida presentarse reclamacións quen se considere interesado.

Simultaneamente, anúnciase o concurso, aprazándose a licitación se resulta necesario por formularse reclamacións contra os pregos.

1. Entidade adxudicadora.

a) Concello da Guarda.

b) Dependencia que tramita o expediente: Secretaría.

2. Obxecto do contrato.

a) Tipo de contrato: servizos.

b) Descrición do obxecto: escola infantil municipal de 0 a 3 anos.

c) Duración do contrato: un ano, prorrogable por un ano máis.

3. Modalidade de adxudicación.

Procedemento aberto con varios criterios de adxudicación. Tramitación ordinaria.

4. Tipo de licitación.

157.726,87 euros anuais (cento cincuenta e sete mil setecentos vinte e seis euros con oitenta e sete céntimos).

5. Garantías.

Garantía provisional: non se exixe.

Garantía definitiva: 5 % do importe da adxudicación.

6. Exame do expediente.

Os licitadores poderán examinar o expediente na Secretaría Xeral do Concello, en horario de luns a venres, das 9.00 ás 14.00 horas, excepto sábados e festivos e ata o día anterior ao do remate do prazo de presentación de proposicións.

7. Presentación de proposicións.

As proposicións presentaranse no Rexistro Xeral deste concello de luns a venres, das 9.00 ás 14.00 horas, e os sábados das 10.00 ás 13.00 horas, durante o prazo de 15 días hábiles contados desde o día seguinte ao da publicación do último anuncio no BOP e no DOG, na forma sinalada na cláusula 10 do prego de cláusulas administrativas-técnicas.

8. Apertura de proposicións.

Ás 10.00 horas do sexto día hábil seguinte ao da finalización do prazo de presentación de ofertas, a mesa de contratación procederá, en acto público, á apertura do sobre B (que contén o programa de traballo). Para estes efectos, se tal día é sábado, o acto terá lugar o día hábil seguinte. Posteriormente, na data que se notifique aos licitadores procederase, en acto público, á apertura do sobre C.

9. Obtención de documentación e información.

Concello da Guarda, praza do Reló, nº 1, 36780 A Guarda.

Páxina web: www.aguarda.es

Teléfono: 986 61 00 00. Fax: 986 61 02 83.

10. Criterios de adxudicación.

a) Criterios avaliables mediante fórmula (ata 50 puntos en total).

1. Menor prezo: ata un máximo de 25 puntos.

2. Melloras: ata 20 puntos.

2.1. Por achega de material e equipamento didáctico a maiores do material escolar necesario para prestar o servizo: ata 10 puntos.

2.2. Por aportación de servizos de psicomotricidade, inglés, atencións educativas especiais, etc., expresado en horas semanas: ata 10 puntos.

3. Calidade: 5 puntos.

b) Criterios suxeitos a xuízo de valor (ata 20 puntos en total).

Mellor programa de traballo (proxecto educativo e proxecto de xestión) ata un máximo de 20 puntos.

11. Requisitos do contratista.

Clasificación: grupo U; subgrupo 5; categoría A .

12. Gastos dos anuncios.

Serán por conta do contratista adxudicatario.

A Guarda, 12 de maio de 2015

José Manuel Domínguez Freitas
Alcalde