Detectado un erro na referida resolución publicada no Diario Oficial de Galicia número 75, do 21 de abril de 2014, cómpre realizar a oportuna corrección:
Na páxina 18047, no cadro 2 do anexo: materias, créditos e módulos do máster, onde di: «Especialidade. Estudos Literarios e Teatrais», debe dicir: «Orientación: estudos literarios e teatrais»; e onde di: «Especialidade. Educación e Animación Teatral», debe dicir: «Orientación: educación e animación teatral».
Na páxina 18048, onde di: «Este máster ten dúas especialidades. Estudos Literarios e Teatrais e Educación e Animación Teatral. O alumnado ten que matricularse de 30 ECTS obrigatorios do módulo de formación fundamental; de 6 ECTS obrigatorios do módulo de prácticas externas; de 6 ECTS obrigatorios do traballo fin de máster e, por último, de 18 ECTS optativos. Estes créditos optativos escolleraos do seguinte xeito: 9 ECTS da especialidade que elixa e, os 9 ECTS restantes, entre os ECTS da especialidade non escollida e dos ofertados no módulo de Formación Complementaria en Artes Escénicas.», debe dicir: «Este máster ten dúas orientacións: estudos literarios e teatrais e educación e animación teatral. O alumnado ten que matricularse de 30 ECTS obrigatorios do módulo de formación fundamental; de 6 ECTS obrigatorios do módulo de prácticas externas; de 6 ECTS obrigatorios do traballo fin de máster e, por último, de 18 ECTS optativos. Estes créditos optativos escolleraos do seguinte xeito: 9 ECTS da orientación que elixa e, os 9 ECTS restantes, entre os ECTS da orientación non escollida e dos ofertados no módulo de Formación Complementaria en Artes Escénicas».