Visto o expediente para outorgamento de autorización administrativa previa e de construción da instalación eléctrica que a seguir se describe:
Solicitante: Barras Eléctricas Galaico-Asturianas, S.A.
Domicilio social: polígono As Gándaras, parcela U2, rúa A, 27003 Lugo.
Denominación: entroncamento servizos auxiliares da subestación eléctrica de Xove coas instalacións de BEGASA en Sumoas.
Situación: concello de Xove.
Características técnicas:
1. Instalación dun apoio metálico tipo C-3000-14-C4-CA e tendido de 102 metros de condutor LA-56. No apoio instalado realizase un paso aéreo a subterráneo para alimentar o novo CTC.
2. Liña de media tensión soterrada con orixe no paso aéreo a subterráneo e final no CTC proxectado, cunha lonxitude de 36 metros en condutor tipo RHZ 150.
3. Centro de transformación cunha potencia proxectada de 630 kVA e unha potencia inicial de 50 kVA no cal se intalan tres celas. Esta zona é propiedade de BEGASA e outra zona diferenciada é propiedade de REE, que se autorizara en outro proxecto.
4. Rede de baixa tensión con orixe no CTC proxectado e final nas RBT existentes.
Considérase a desmontaxe da LMT aérea a CTI Sumoas, o CTI Samoas e a súa caseta e a desmontaxe de 160 metros de condutor RZ.
Cumpridos os trámites ordenados na Lei 24/2013, do 26 de decembro (BOE núm. 310) do sector eléctrico e no título VII, capítulo II do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construcción (DOG núm. 54) esta xefatura territorial resolve:
Conceder a autorización administrativa previa e a autorización administrativa de construción das ditas instalacións, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial e outros necesarios para a realización das obras das instalacións autorizadas.
O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.
Contra esta resolución cabe interpor recurso de alzada ante o conselleiro de Economía e Industria no prazo dun mes, a partir do día seguinte ao da notificación ou publicación desta resolución; tamén poderá interpoñer calquera outro recurso que xulgue pertinente ao seu dereito.
Lugo, 26 de maio de 2015
Pilar Fernández López
Xefa territorial de Lugo