Para os efectos previstos na Lei 24/2013, do 26 de decembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Unión Fenosa Distribución, S.A.

Domicilio social: A Batundeira, 2, 32960 Velle (Ourense).

Denominación: LMT, CT derivada Eiradela.

Situación: Nogueira de Ramuín.

Características técnicas:

LMT aérea a 20 kV de 1.595 m, con condutor LA-56 mm2 Al e orixe na LMT do actual CT Eiradela, apoio nº 5 (expte. 1220 AT) e remate no CT intemperie proxectado Eiradela de 100 kVA e R/T 20.000/430-230 V.

Orzamento: 34.758,57 euros.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Curros Enríquez, 1-4º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Ourense, 25 de maio de 2015

Alfonso Tomás Paz Doniz
Xefe territorial de Ourense