Nas sesións que tiveron lugar os días 22 e 23 de xuño de 2015, o tribunal nomeado pola Orde do 23 de marzo de 2015 (DOG núm. 62, do 1 de abril), pola que se nomea o tribunal encargado de cualificar o proceso selectivo para o ingreso no corpo facultativo superior da Xunta de Galicia, subgrupo A1, escala facultativa de arquivos, bibliotecas e museos, especialidade de arquivos, convocado pola Orde do 9 de maio de 2014 (DOG núm. 99, do 26 de maio), de conformidade co disposto na base II.2.1.

ACORDOU:

Primeiro. Á vista das reclamacións presentadas:

En canto á quenda de promoción interna:

Anular as preguntas 66 e 108 do primeiro exercicio, pasando a ocupar o seu lugar as preguntas de reserva 121 e 122.

En canto á quenda de acceso libre:

Anular as preguntas 55 e 87 do primeiro exercicio, pasando a ocupar o seu lugar as preguntas de reserva 121 e 122.

Desestimar na súa totalidade as restantes reclamacións presentadas.

Segundo. De conformidade co disposto na base II.2.1. da convocatoria, superaron o primeiro exercicio os aspirantes que obtiveron unha puntuación mínima de dez puntos (10 puntos) e fíxase, unha vez feitas as deducións previstas na citada base da convocatoria, en 38 o número de respostas correctas para acadar dita puntuación.

Terceiro. Publicar as puntuacións obtidas polos aspirantes presentados ao primeiro exercicio do proceso selectivo para o ingreso no corpo facultativo superior da Xunta de Galicia, subgrupo A1, escala facultativa de arquivos, bibliotecas e museos, especialidade de arquivos, no lugar onde se realizou o exercicio, no taboleiro de anuncios do Servizo de Rexistro Xeral e Atención á Cidadanía da Vicepresidencia e Consellería de Presidencia, Administracións Públicas e Xustiza e na páxina web da Xunta de Galicia (www.xunta.es ).

Cuarto. De acordo co disposto na base II.3.7 da convocatoria, os aspirantes poderán presentar as alegacións que consideren oportunas con relación coas puntuacións, no prazo de dez (10) días hábiles contados desde o seguinte ao de publicación desta resolución no Diario Oficial de Galicia.

Quinto. De conformidade co disposto na base III.13 da orde de convocatoria, contra este acordo poderase interpoñer recurso de alzada ante o/a conselleiro/a de Facenda nos termos previstos nos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 23 de xuño de 2015

M. Carmen Prieto Ramos
Presidenta do tribunal