De conformidade co disposto no artigo 7.2 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, infórmase de que o Pleno da Corporación de Vilanova de Arousa, en sesión do 30 de marzo de 2015, acordou delegar na Deputación Provincial de Pontevedra-ORAL as facultades de xestión, inspección, liquidación e recadación do imposto sobre o incremento do valor dos terreos de natureza urbana (IIVTNU).
A dita delegación foi aceptada polo Pleno da Deputación Provincial de Pontevedra na sesión do día 29 de maio de 2015. Débese formalizar o correspondente convenio entre ambas as administracións.
Vilanova de Arousa, 12 de xuño de 2015
Gonzalo Durán Hermida
Alcalde en funcións