De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á Academia Esteiro a Resolución do 4 de maio de 2015, da directora xeral de Emprego e Formación, ditada no procedemento de baixa no Rexistro de Centros e Entidades de Formación para o Emprego da Consellería de Traballo e Benestar, devolta polo servizo de Correos por resultar descoñecido o seu destinatario.
O prazo para interpoñer o recurso a que fai mención a antedita resolución computarase a partir do día seguinte ao da publicación desta cédula no Boletín Oficial del Estado.
«Resolución de baixa no Rexistro de Centros e Entidades de Formación para o Emprego da Consellería de Traballo e Benestar por baixa de todas as especialidades formativas.
Academia Esteiro.
Rúa Concepción Arenal, 80-82, 3º D.
15570 Narón.
A Coruña.
Logo de examinar a inscrición/acreditación da entidade Academia Esteiro, no Rexistro de Centros e Entidades de Formación para o Emprego da Consellería de Traballo e Benestar.
Antecedentes.
Primeiro. A entidade Academia Esteiro encóntrase inscrita/acreditada no Rexistro de Centros e Entidades de Formación para o Emprego da Consellería de Traballo e Benestar, co número de censo 15C00646, nas especialidades formativas seguintes:
Código especialidade |
Descrición |
Alta homologación |
Baixa homologación |
TE0001 |
Xestión Empresarial |
10.7.1997 |
31.12.1999 |
Segundo. As anteditas especialidades formativas causaron baixa no Ficheiro de especialidades formativas con efecto nas datas que constan no antecedente primeiro como «baixa homologación».
Terceiro. Por parte da Dirección Xeral de Emprego e Formación deuse trámite de audiencia á antedita entidade para que alegase e presentase os documentos e xustificacións que considerase oportunos. Os dous intentos de notificación realizados á devandita entidade foron devoltos, polo servizo de Correos, por non seren recollidos na oficina postal tralos avisos efectuados; polo que foron notificados por medio de anuncios no taboleiro de edictos do concello no seu último domicilio e no Diario Oficial de Galicia.
Cuarto. Transcorrido o prazo para formular alegacións, non consta que Academia Esteiro as presentase en tempo e forma.
Consideracións legais e técnicas.
Primeiro. A competencia para resolver o presente expediente correspóndelle á directora xeral de Emprego e Formación, de conformidade co establecido no artigo 6.3 e artigo 8 do Decreto 106/2011, do 19 de maio.
Segundo. O artigo 8.1 c), do Decreto 106/2011, dispón que a Dirección Xeral de Emprego e Formación poderá acordar a baixa no Rexistro de Centros e Entidades de Formación, dos centros ou entidades, cando se produza a baixa no ficheiro de todas as especialidades que lle fosen concedidas.
Revisado o expediente compróbase que todas as especialidades formativas en que estaba acreditada e/ou inscrita a entidade Academia Esteiro, co número de censo 15C00646, causaron baixa no Ficheiro de especialidades formativas.
Terceiro. Tendo en conta que na tramitación do expediente se observaron as normas que para o efecto se establecen no Decreto 106/2011, do 19 de maio, e na Lei de réxime xurídico das administracións públicas e do procedemento administrativo común.
Logo de ver o Real decreto 395/2007, do 23 de marzo, polo que se regula o subsistema de formación profesional para o emprego, a Orde TAS/718/2008, do 7 de marzo, modificada pola Orde ESS/1726/2012, do 2 de agosto, pola que se desenvolve o antedito Real decreto, o Decreto106/2011, do 19 de maio, polo que se crea o Rexistro de Centros e Entidades de Formación para o Emprego da Consellería de Traballo e Benestar e se regula o procedemento para a inscrición e, se é o caso, acreditación dos centros e entidades que impartan formación para o emprego no territorio da Comunidade Autónoma de Galicia, o Decreto 235/2012, do 5 de decembro, polo que se fixa a estrutura orgánica da Vicepresidencia e das consellerías da Xunta de Galicia, o Decreto 42/2013, do 21 de febreiro, polo que se establece a estrutura orgánica da Consellería de Traballo e Benestar, a Lei 30/1992, do 26 de novembro, de réxime xurídico das administracións públicas e do procedemento administrativo común, e a demais normativa de xeral aplicación.
De acordo con todo o indicado, resolvo:
Dar de baixa a entidade Academia Esteiro, número de censo 15C00646, no Rexistro de Centros e Entidades de Formación para o Emprego da Consellería de Traballo e Benestar.
Notifíqueselles aos interesados a presente resolución para o seu coñecemento e efectos oportunos.
Contra esta resolución poderase interpoñer recurso de alzada ante a conselleira de Traballo e Benestar no prazo dun mes, contado a partir do día seguinte ao da súa notificación, de acordo co establecido no artigo 114, seguintes e concordantes, da Lei 30/1992, do 26 de novembro, de réxime xurídico das administracións públicas e do procedemento administrativo común».
Santiago de Compostela, 29 de xuño de 2015
Ana Mª Díaz López
Directora xeral de Emprego e Formación