Vistos os expedientes instruídos para os efectos de transmisión das bateas Ramón III e Ramón IV e das concesións administrativas que os amparan, resulta:
a) Antecedentes de feito.
Primeiro. Mediante escritos do 2.3.2015, Ramón Castro Iglesias, en calidade de herdeiro de Ramón Castro Iglesias e Dolores Iglesias Otero, solicitou autorización para a transmisión das concesións das bateas Ramón III e Ramón IV.
Segundo. A persoa interesada achegou a documentación requirida para a tramitación.
Terceiro. Os informes do Servizo de Protección dos Recursos sobre as características das bateas son favorables.
b) Fundamentos xurídicos.
Primeiro. Este órgano é competente para resolver os expedientes de conformidade coa Lei 11/2008, do 3 de decembro, de pesca de Galicia, e coa Lei 6/2009, do 11 de decembro, que a modifica, e coa Resolución do 12 de abril de 2012 de delegación de sinatura en materia de acuicultura nos titulares das xefaturas de coordinación da Área do Mar da Consellería do Medio Rural e do Mar.
Segundo. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
Vistas as disposicións citadas, a proposta de resolución elaborada polo Servizo de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería resolve:
Autorizar a transmisión mortis causa, a favor de Ramón Castro Iglesias (35418259-F), das concesións que se indican a continuación:
Identificación:
Tipo: batea.
Nome: Ramón III.
Situación:
Cuadrícula nº: 55.
Polígono: G.
Distrito: O Grove (Pontevedra).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 30.5.1975.
Remate da vixencia: 15.12.2019.
Tipo: batea.
Nome: Ramón IV.
Situación:
Cuadrícula nº: 67.
Polígono: G.
Distrito: O Grove (Pontevedra).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 30.5.1975.
Remate da vixencia: 15.12.2019.
Actuais titulares: Ramón Castro Iglesias e Dolores Iglesias Otero.
Novo titular: Ramón Castro Iglesias (35418259-F).
O novo titular das concesións subrógase nos dereitos e obrigas dos anteriores.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes, ante a conselleira do Medio Rural e do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 18 de maio de 2015
P.D. (Resolución do 12.4.2012)
Sonia Lorenzo Santos
Xefa de Coordinación da Área do Mar