Por Orde da Consellería do Medio Rural e do Mar do 5 de maio de 2014, aprobouse o Regulamento da indicación xeográfica protexida Pemento de Oímbra e do seu consello regulador, e nomeouse o Consello Regulador provisorio.
En reunión do Pleno deste consello regulador, que tivo lugar o pasado día 19 de xuño acordouse propor á Consellería do Medio Rural unha modificación da composición deste órgano, tras a renuncia dunha persoa que ocupaba unha das vogalías.
De acordo co anterior, e co disposto no artigo artigo 4 do Decreto 4/2007, do 18 de xaneiro, polo que se regulan as denominacións xeográficas de calidade do sector alimentario e os seus consellos reguladores,
DISPOÑO:
Artigo único. Modifícase o artigo 2 da Orde do 5 de maio de 2014, da Consellería do Medio Rural e do Mar, pola que se aproba o Regulamento da indicación xeográfica protexida Pemento de Oímbra e do seu consello regulador, e se nomea o consello regulador provisorio, que queda redactado da seguinte maneira:
«Artigo 2. Nomeamento do Consello Regulador provisorio
Noméase, por proposta do sector, o Consello Regulador da indicación xeográfica protexida Pemento de Oímbra, con carácter provisorio ata que se celebren eleccións na forma determinada pola normativa vixente.
Queda formado polos membros seguintes:
Presidenta: Milagros Prada Pardo.
Vogais:
Josefa Álvarez Araújo.
Cesáreo Estévez Pardo.
José Pedro Santana Salgado.
Odilo Pino Salgado.
Celso Prada Pardo.».
Disposición derradeira única. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 27 de xullo de 2015
Rosa María Quintana Carballo
Conselleira do Medio Rural e do Mar