A Confraría de Pescadores San Andrés solicita unha concesión administrativa para a ocupación e explotación da fábrica de xeo e instalacións varias no dominio público portuario de Portosín, con base no levantamento topográfico realizado polo ente público Portos de Galicia en decembro de 2013.

O que se fai público para os efectos previstos no artigo 85 do Real decreto lexislativo 2/2011, do 5 de setembro, polo que se aproba o texto refundido da Lei de Portos do Estado e da mariña mercante (BOE núm. 253, do xoves 20 de outubro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Centro de Portos de Galicia, situadas na rúa Alférez Provisional 5-1º, 15006 A Coruña, no prazo de vinte (20) días hábiles, contados a partir do seguinte ao da publicación do presente anuncio no Diario Oficial de Galicia. A documentación está á disposición na web www.portosdegalicia.com

Santiago de Compostela, 26 de xuño de 2015

José Ignacio Villar García
Director de Portos de Galicia