Para os efectos previstos na Lei 16/2002, do 1 de xullo, de prevención e control integrados da contaminación (BOE núm. 157, do 2 de xullo), faise público que por espazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, quedará exposta a seguinte documentación:
– «Proxecto básico de solicitude de modificación substancial da autorización ambiental integrada para a planta de tratamento de residuos Marpol tipo C e aceites usados das Somozas. Maio de 2015».
Co fin de que calquera interesado poida consultala e, se é o caso, formular no dito prazo as alegacións, suxestións ou observacións que considere convenientes. Os citados documentos estarán á disposición dos administrados, en horario de atención ao público, nas seguintes dependencias:
– Secretaría Xeral de Calidade e Avaliación Ambiental, Servizo de Prevención e Control Integrados da Contaminación (r/ San Lázaro, s/n, 15781 Santiago de Compostela).
Ademais, poderán consultalos na páxina web da Consellería de Medio Ambiente, Territorio e Infraestruturas (http://www.cmati.xunta.es/ >>medio ambiente e sostibilidade >>prevención e control de actividades>>autorización ambiental integrada >>proxectos en información pública).
Santiago de Compostela, 14 de setembro de 2015
Justo de Benito Basanta
Secretario xeral de Calidade e Avaliación Ambiental
ANEXO I
Memoria resumo
Clave do expediente: 2015-IPPC-M-1.
Peticionaria: Ingaroil, S.L.
Domicilio social: avda. de Santiago, nº 23, 15840 Santa Comba, A Coruña.
Localización da instalación: Parque Empresarial As Somozas, As Somozas, A Coruña.
Actividade: ampliación da capacidade de almacenamento da planta de tratamento de residuos Marpol tipo C e aceites usados.
Descrición: a actividade da planta consiste no tratamento de residuos Marpol tipo C e aceites usados, mediante un pretatamento de filtración, decantación e centrifugación e un tratamento no evaporador-condesador, obtendo tras paso por centrifugación un produto combustible «simil gasóleo», e obtendo, tras paso dos gases incondensables por un separador un subproduto «combustible lixeiro» utilizado na propia instalación. A planta considera como unha actividade opcional producir enerxía mediante dezaseis grupos motores-xeradores alimentados polo combustible simil gasóleo. A planta modificarase para aumentar a súa capacidade de almacenamento, implantando dous novos depósitos de almacenamento de 1.000 m3 cada un. Esta implantación leva consigo unha serie de pequenas modificacións auxiliares, como son a construción dun novo cubeto (III), a adecuación da zona de limpeza e lavada de camións cisterna, a formación dunha coieira, a modificación e ampliación da vía de circulación, a ampliación da praia de carga e descarga de camións cisterna, e a ampliación e adecuación das medidas de protección ante incendios.
Verteduras: existen dúas redes separadas de augas residuais. Unha recolle as augas fecais e pluviais, que se conectan sen tratamento previo á rede de sumidorios municipal. Outra recolle as verteduras accidentais, as augas residuais de proceso e as augas de limpeza das instalacións, que van a unha balsa separadora de fases, cuxa auga resultante, mesturada con lodos de hidrocarburos, é entregada a xestor autorizado.