Mediante Resolución do 30 de abril de 2014, a Xefatura Territorial da Consellería de Economía e Industria da Coruña someteu a información pública a solicitude de autorización administrativa, a aprobación do proxecto de execución e do estudo de impacto ambiental referidos á repotenciación do parque eólico de Cabo Vilán, no concello de Camariñas (DOG núm. 95, do 20 de maio). Na dita resolución recóllense as características técnicas da dita repotenciación.

O 18 de setembro de 2015 a empresa promotora Gas Natural Fenosa Renovables, S.L.U. presentou ante esta xefatura territorial a solicitude de aprobación do proxecto sectorial de incidencia supramunicipal relacionado coa repotenciación do parque eólico Cabo Vilán e insta a declaración de utilidade pública das súas instalacións.

En cumprimento do disposto na Lei 24/2013, do 26 de decembro, do sector eléctrico; no Decreto 138/2010, do 5 de agosto, polo que se establece o procedemento e as condicións técnico-administrativas para a obtención das autorizacións de proxectos de repotenciación de parques eólicos existentes na Comunidade Autónoma de Galicia; na Lei 8/2009, do 22 de decembro, pola que se regula o aproveitamento eólico de Galicia e se crean o canon eólico e o Fondo de Compensación Ambiental; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e no Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, sométese a información pública:

– O proxecto sectorial de incidencia supramunicipal presentado pola empresa Gas Natural Fenosa Renovables, S.L.U. e a súa declaración de utilidade pública.

Esta declaración de utilidade pública levará implícita, de acordo co artigo 54 da Lei 54/1997, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.

O que se fai público para o coñecemento xeral dos propietarios dos predios que figuran no anexo a esta resolución, así como das persoas que, sendo titulares de dereitos reais ou intereses económicos sobre os bens afectados, fosen omitidos, para que poidan examinar o expediente, na Xefatura Territorial da Consellería de Economía e Industria da Coruña, sita na rúa Vicente Ferrer, nº 2, 2º andar, 15071 A Coruña, e presentar as súas alegacións no prazo de trinta días, que comezará a contar a partir do día seguinte ao da última publicación da presente resolución ou a partir da correspondente notificación individual aos afectados.

Para idénticos efectos, e no prazo de 30 días, que comezará a contar a partir do día seguinte ao da última publicación desta resolución, o proxecto sectorial de incidencia supramunicipal correspondente ás instalacións da repotenciación do parque eólico de Cabo Vilán poderanse examinar nesta xefatura territorial, así como no Concello de Camariñas.

A Coruña, 28 de setembro de 2015

Isidoro Martínez Arca
Xefe territorial da Coruña

ANEXO
Relación de bens e dereitos afectados pola repotenciación do parque Cabo Vilán