Dentro do programa anual de actividades para o ano 2015 da Academia Galega de Seguridade Pública (Agasp) aprobado polo Consello Reitor deste organismo con data do 23 de decembro do ano 2014, convócanse unha xornada de formación SCA15: as persoas detrás dos uniformes, conforme as seguintes bases:

Primeira. Destinatarios/as

Esta xornada está dirixida ao persoal dos corpos da Policía Local de Galicia, así mesmo a todo o persoal das forzas e corpos de seguridade pública e emerxencias que traballan en Galicia, así como a todos aqueles profesionais vinculados coa materia obxecto de debate e demais interesados en xeral.

Segunda. Desenvolvemento da actividade

Lugar: Academia Galega de Seguridade Pública.

Datas: 5 de novembro de 2015.

Horario: das 16.00 a 20.00 horas.

Número de prazas: ilimitado.

Horas lectivas: 4.

Contido: as persoas detrás dos uniformes: experiencias prácticas e reais.

Terceira. Solicitudes

1. O persoal que desexe participar nestas xornadas deberá cubrir o formulario de matrícula telemática dispoñible na páxina web da Agasp (http://agasp.xunta.es). Non se admitirá ningunha outra forma ou modelo de solicitude.

2. A falsidade ou ocultación de datos esenciais para a selección das persoas dará lugar a exclusión automática da xornada, así como á imposibilidade de participar en ningún outro curso durante o prazo dun ano computado desde o momento en que se detecte este feito.

3. O prazo de presentación de solicitudes será de tres (3) días naturais desde a publicación desta resolución no Diario Oficial de Galicia.

Cuarta. Admisión

A Agasp publicará na súa páxina web a relación das persoas seleccionadas para participar na xornada.

Quinta. Asistencia

Obrigatoria.

A Estrada, 26 de outubro de 2015

Luis Menor Pérez
Director xeral da Academia Galega de Seguridade Pública