O Pleno do Concello de Barro, en sesión que tivo lugar o 20 de outubro de 2015, aprobou definitivamente o documento da modificación puntual do Plan de sectorización do solo urbanizable industrial Outeda-Curro (SRAU-I Outeda-Curro).

Con data do 4 de novembro de 2015, remitiuse á Secretaría Xeral de Ordenación do Territorio e Urbanismo da Consellería de Medio Ambiente e Ordenación do Territorio copia completa do expediente e dous exemplares do documento aprobado definitivamente.

Segundo dispón o artigo 92.2 da Lei 9/2002, do 30 de decembro, de ordenación urbanística e protección do medio rural de Galicia, faise público o citado acordo.

A modificación puntual do Plan de sectorización SRAU-I Outeda-Curro, non entrará en vigor ata a publicación íntegra do texto no Boletín Oficial da provincia de Pontevedra, segundo dispón o artigo 70.2 da Lei 7/1985, do 2 de abril, reguladora das bases de réxime local, e transcorrido o prazo de 15 días sinalado no artigo 65.2 da citada lei.

Contra ese acordo, que pon fin á vía administrativa, pódese interpoñer recurso contencioso-administrativo no prazo de dous meses perante a Sala do Contencioso-Administrativo do Tribunal Superior de Xustiza de Galicia. Todo isto sen prexuízo de calquera outro recurso ou acción que coiden oportunos.

Barro, 4 de novembro de 2015

Xosé Manuel Fernández Abraldes
Alcalde