A entidade pública Augas de Galicia dá publicidade da seguinte encomenda de xestión realizada a unha empresa pública:

1. Entidade encomendante:

Organismo: Augas de Galicia.

Actuación: servizo.

Tipo de tramitación: encomenda de xestión á empresa Tecnologías y Servicios Agrarios, S.A., como medio propio instrumental e servizo técnico do poder adxudicador.

2. Encomenda de xestión:

Título: servizo de información e orientación dos usuarios que acceden aos servizos centrais da entidade pública empresarial Augas de Galicia.

Clave do expediente: OH.915.1105.SV.

Descrición do obxecto: os traballos que hai que executar inclúen actividades de colaboración e apoio de carácter auxiliar para garantir o control de acceso ao edificio público dos servizos centrais de Augas de Galicia, así como apoio de atención ao público para a súa información e seguimento e control do normal funcionamento nas instalacións.

Orzamento: importe neto: 49.505,58 euros. Importe total: 59.901,75 euros.

Data de formalización: 28 de outubro de 2015.

Prazo de execución: doce meses con previsión de prórrogas.

Santiago de Compostela, 28 de outubro de 2015

Gonzalo Mosqueira Martínez
Director de Augas de Galicia