Eu, Ana Belén Jorge Rogel, secretaria xudicial da Sección Quinta da Audiencia Provincial da Coruña, fago saber que na peza de apelación que se dirá se ditou sentenza o 23 de febreiro de 2015, cuxo encabezamento e parte dispositiva é do teor literal seguinte:
«Audiencia Provincial, Sección Quinta, A Coruña.
Peza: 166/2013.
Procedemento de orixe: xuízo verbal civil por razón de contía número 428/2012.
Xulgado de procedencia: Xulgado de Primeira Instancia número 12 da Coruña.
A Sección Quinta da Audiencia Provincial da Coruña, constituída en tribunal unipersoal, pronunciou en nome do rei a seguinte:
Sentenza nº 72/2015.
Maxistrado: Dámaso Manuel Brañas Santa María.
Na Coruña o 24 de febreiro de 2015.
No recurso de apelación civil número 166/2013, interposto contra a sentenza ditada polo Xulgado de Primeira Instancia número 12 da Coruña, en xuízo verbal civil por razón de contía número 428/2012, sobre reclamación de cantidade, en que a contía do procedemento é de 4.385,16 euros, seguido entre partes, como apelante AXA Seguros Generales, S.A. de Seguros y Reaseguros, representada polo procurador Sr. Puga Gómez, e como apelado Consorcio de Compensación de Seguros, representado polo avogado do Estado; e como parte declarada en rebeldía José Ángel Ares Vidal.
(Seguen antecedentes de feito e fundamentos xurídicos)
Resolución:
Desestimo o recurso interposto polo procurador Sr. Puga Gómez, confirmo a sentenza apelada e impoño á parte apelante as custas causadas polo recurso. Decreto a perda do depósito, ao cal dará o destino legal o xulgado de procedencia, ao que se devolvan as actuacións, con certificación da presente, unha vez firme, ao ser susceptible de recurso de casación e, se é o caso, extraordinario por infracción procesual no prazo de vinte días hábiles contados desde a súa notificación.
Así por esta sentenza, da que se levará certificación á peza, xulgando definitivamente en segunda instancia, pronúncioo, mándoo e asínoo».
E como consecuencia do ignorado paradoiro de José Ángel Ares Vidal, expídese a presente para que sirva de cédula de notificación.
A Coruña, 11 de setembro de 2015
A secretaria xudicial