Ante a imposibilidade de notificación, por medio desta cédula, notifícase á empresa Pontevex, S.L., con CIF B36746626, a resolución da Consellería de Economía, Emprego e Industria do 31 de outubro de 2015, pola que se ordena proceder a execución forzosa subsidiaria por parte da Administración das actuacións necesarias para o peche da explotación mineira Estrella número 2489, sita no termo municipal de Campo Lameiro, provincia de Pontevedra, que na actualidade se atopa en situación de abandono, para o seu coñecemento e efectos oportunos.

Comunícaselle que o acordo íntegro está á súa disposición na Subdirección Xeral de Recursos Minerais en horario de atención ao público (das 9.00 ás 14.00 horas), situada no Edificio Administrativo San Caetano, s/n, bloque 5º, 4º andar, Santiago de Compostela.

A presente cédula expídese para que conste e lle sirva de notificación á empresa interesada, en cumprimento do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 3 de novembro de 2015

Ángel Bernardo Tahoces
Director xeral de Enerxía e Minas