Pola presente, e de conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de decembro), modificada pola Lei 4/1999, do 13 de xaneiro (BOE núm. 12, do 14 de xaneiro) notifícanselle á persoa que a seguir se relaciona a proposta de resolución do expediente sancionador OU-S-31/2015 xa que, intentada polos medios habituais, non se puido practicar.
A interesada poderá recoller a proposta de resolución, así como acceder ao correspondente expediente, mediante comparecencia nas dependencias desta Área Provincial, rúa Curros Enríquez, 1-3º andar de Ourense.
De acordo co artigo 19.1 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, contra a presente proposta de resolución poderá, no prazo de 15 días contados desde a súa notificación, formular alegacións e presentar os documentos e informacións que considere convenientes, ante a instrutora do procedemento.
Ourense, 24 de novembro de 2015
Antonio Aguarón Turrientes
Xefe da Área Provincial de Turismo de Ourense
ANEXO
Expediente: OU-S-48/2015.
Titular sancionada: Altagracia Soto Martínez.
Establecemento: Gran Rancho.
Domicilio: Nacional, 532, km 11.
Localidade: Verín.
Proposta de resolución: 20 de outubro de 2015.
Tipificación da infracción: artigo 109.2.a), 109.2.b) e 109.2.c) da Lei 7/2011, do 27 de outubro, de turismo de Galicia.
Sanción proposta: 600 euros.