De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ao interesado que deseguido se relaciona, o acordo de iniciación do procedemento sancionador en materia de turismo, por infracción administrativa da Lei 7/2011, do 27 de outubro, de turismo de Galicia, expediente número LU-47/2015, incoado ao titular do establecemento de café-bar denominado El Castillo, situado no lugar de Castro de Amarante do concello de Antas de Ulla (Lugo), xa que intentada a notificación polos medios habituais non se puido practicar.
Noméase instrutora do procedemento a Mercedes Campos Casares e secretaria a Carmen Enríquez Rio, funcionarias desta área provincial; o seu réxime de recusación será o previsto nos artigos 28 e 29 da Lei 30/1992.
Segundo o establecido no artigo 16.1 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, o interesado disporá dun prazo de quince días, contados a partir do seguinte ao da publicación desta notificación para achegar por escrito cantas alegacións, documentos, ou informacións consideren convenientes e, se é o caso, propoñer proba concretando os medios de que pretenda valerse.
Conforme o establecido no artigo 13.2 do Real decreto 1398/1993, de non efectuar alegacións no prazo anteriormente indicado, este acordo de iniciación poderá ser considerado proposta de resolución, e, para estes efectos, determinarase o importe da sanción.
O pagamento voluntario poderá poñer fin ao expediente. Para efectualo deberá empregar o impreso normalizado que lle será facilitado na Área Provincial de Turismo, sita no Edificio Administrativo da Xunta de Galicia na rolda da Muralla de Lugo.
O órgano competente para a resolución do procedemento é a xefa da Área Provincial de Turismo en Lugo, segundo o disposto no artigo 119.1.a) da Lei 7/2011, e no Decreto 196/2012, do 27 de setembro, polo que se crea a Axencia Turismo de Galicia e se aproban os seus estatutos.
O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE núm. 189, do 9 de agosto).
Lugo, 18 de xaneiro de 2016
Paloma Vázquez Fernández
Xefa da Área Provincial de Turismo de Lugo
ANEXO
Expediente: LU-47/2015.
Denunciado: Daniel Eugen Raileanu Eugen.
Establecemento: café-bar El Castillo.
Enderezo: lugar Castro de Amarante. Localidade: Antas de Ulla (Lugo).
Feitos denunciados: incumprir o deber de exhibir os prezos dos servizos ofertados nun lugar visible e de modo lexible.
Preceptos infrinxidos: artigo 35 alínea f) da Lei 7/2011.
Tipificación da infracción: artigo 109.2.b) da Lei 7/2011.
Cualificación: leve.
Sanción: 200 €.