De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 258, do 27 de novembro), logo de intentada, sen éxito, a notificación persoal a través do servizo de Correos, notifícaselle á persoa interesada o acto administrativo que se sinala no anexo.

A eficacia do acto queda supeditada a súa publicación no taboleiro de edictos único do Boletín Oficial del Estado, o prazo computarase desde esa publicación.

A persoa interesada poderá comparecer nas oficinas da sede da Dirección Xeral de Pesca, Acuicultura e Innovación Tecnolóxica da Consellería do Mar; Edificio Administrativo San Caetano, s/n, 15780 Santiago de Compostela, das 9.00 ás 14.00 horas, de luns a venres, para o coñecemento íntegro da resolución.

A resistencia, escusa, obstrución ou negativa ás actuacións de comprobación efectuadas polo órgano concedente constitúen unha causa de reintegro das cantidades percibidas e a exixencia dos xuros de mora correspondentes, de acordo co artigo 33 da Lei 9/2007, do 13 de xuño, de subvencións de Galicia.

Santiago de Compostela, 27 de xaneiro de 2016

Juan Carlos Maneiro Cadillo
Director xeral de Pesca, Acuicultura e Innovación Tecnolóxica

ANEXO

Beneficiario: Papa Modiane Faye.

NIF: X9515539W.

Número de expediente SXPA: PE113D 2012/101-0.

Acto de notificación: requirimento de documentación referente á axuda de carácter socioeconómico, prima non renovable, concedida en execución da convocatoria correspondente ao ano 2012.

Documentación requirida: copia compulsada de todas as follas da cédula de inscrición marítima que comprendan os enrolamentos desde o día 3.6.2014 ata o día 3.6.2015.

Último enderezo coñecido: rúa Alcalde Lens, nº 13, 5º, 15010 (A Coruña).