Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 54 Venres, 18 de marzo de 2016 Páx. 10202

VI. Anuncios

a) Administración autonómica

Consellería de Economía, Emprego e Industria

RESOLUCIÓN do 29 de febreiro de 2016, da Xefatura Territorial de Pontevedra, pola que se fai pública a inscrición do acordo de modificación de estatutos da entidade Campodeza, S. Coop. Galega.

No artigo 74 da Lei 5/1998, do 18 de decembro, de cooperativas de Galicia, modificada pola Lei 14/2011, do 16 de decembro, e no Decreto 430/2001, do 18 de decembro, polo que se aproba o Regulamento do Rexistro de Cooperativas de Galicia, no artigo 53, establece a obrigatoriedade de publicar, no Diario Oficial de Galicia, a modificación do artigo 4 dos estatutos (ampliación do obxecto social), da entidade Campodeza, S. Coop. Galega, acordada na asemblea xeneral do 25 de xuño de 2015 pola maioría establecida nos seus estatutos. Consta como ampliación do obxecto social, e engadiuse ao artigo 4 o seguinte:

«J) Venda aos socios da cooperativa de produtos procedentes de hidrocarburos, tales como gasóleo A, gasóleo B, gasóleo C, etc., e a construción das instalacións necesarias para lograr o seu fin.

K) Adquisición da maquinaria necesaria para poder dar servizos e traballos de maquinaria nas instalacións dos seus socios.

L) Adquisición da ferramenta e instalacións necesarias, para reparar a maquinaria da cooperativa e a maquinaria dos propios socios da cooperativa, construíndo un taller propio da cooperativa».

RESOLVO:

Dispor a publicación no Diario Oficial de Galicia da modificación do artigo 4 dos estatutos (ampliación do obxecto social) da entidade Campodeza, S. Coop. Galega.

Vigo, 2 de marzo de 2016

Ignacio Rial Santomé
Xefe territorial de Pontevedra