De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanselles ás persoas interesadas, que se indican a continuación no anexo, as resolucións ditadas polo xefe territorial nos expedientes administrativos instruídos conforme o disposto no artigo 172 e seguintes do Código civil e nos artigos 41, 52, 53, 54, 55 e 61 da Lei 3/2011, do 30 de xuño, de apoio á familia e á convivencia de Galicia, logo dos intentos de notificación realizados sen que fose posible practicar a dita notificación.

As persoas interesadas poderán interpor recurso no Xulgado de Primeira Instancia de Lugo que por quenda lles corresponda, no prazo de dous (2) meses contados desde o día seguinte á data de publicación deste anuncio, no Boletín Oficial del Estado, sen necesidade de reclamación administrativa previa, de conformidade co artigo 780.1 da Lei 1/2000, do 7 de xaneiro, de axuizamento civil.

Os expedientes atópanse á disposición das persoas interesadas no Servizo de Familia, Infancia e Dinamización Demográfica da Xefatura Territorial de Lugo da Consellería de Política Social, rolda da Muralla, 70, planta baixa, onde, no prazo de dez (10) días contados desde o día seguinte á data de publicación deste anuncio no Boletín Oficial del Estado, poderán comparecer para os efectos do coñecemento do contido íntegro das resolucións, de luns a venres laborables, das 9.00 ás 14.00 horas, e advírteselles que, de non facelo, se terán por notificados.

Lugo, 10 de marzo de 2016

Alberto Linares Fernández
Xefe territorial de Lugo

ANEXO

Interesado	Núm. expte.	Asunto
Roberto Ares Solla	2003/64/27	Cesamento da medida
Juan Carlos Parada Castro	2009/183/27	Cesamento da medida