Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 66 Xoves, 7 de abril de 2016 Páx. 12422

V. Administración de xustiza

Xulgado de Primeira Instancia número 5 de Vigo

EDICTO (171/2015).

Sarai Paniagua Acera, secretaria do Xulgado de Primeira Instancia número 5 de Vigo, certifica que no presente procedemento de garda custodia e alimentos 171/2015, se ditou a seguinte sentenza:

Sentenza nº 149.

En Vigo, catorce de marzo de dous mil dezaseis.

María del Carmen Salvador Mateos, maxistrada xuíza titular do Xulgado de Primera Instancia número 5 de Vigo (Xulgado de Familia) viu os autos seguidos neste xulgado baixo número 171/2015 sobre garda e custodia e alimentos respecto de filla menor de idade, por instancia de Sol Ángel Folla Méndez, representada pola procuradora dos tribunais Verónica Lago Domínguez e con asistencia letrada de Luz Portela Lusquiños, contra Juan Luis Ríos Piñeiro, declarado en rebeldía procesual, e no que interveu o Ministerio fiscal, sobre a base dos seguintes:

(Seguen antecedentes de feito e fundamentos de dereito).

Decido:

Na demanda interposta pola procuradora dos tribunais Sra. Lago Domínguez, en nome e representación de Sol Ángel Folla Méndez, como demandante, contra Juan Luis Ríos Piñeiro, declarado en situación de rebeldía procesual, e no que interveu o Ministerio fiscal, fago os seguintes pronunciamentos:

Primeiro. A garda e custodia da filla menor atribúese á Sra. Folla Méndez, sendo a patria potestade compartida entre ambos os dous proxenitores.

Segundo. O Sr. Ríos Piñeiro satisfará en concepto de alimentos a favor da súa filla a cantidade de 150 euros mensuais, que serán ingresados dentro dos cinco primeiros días de cada mes na conta corrente que para o efecto designe a nai e que será actualizada anualmente conforme a variación do índice de prezos ao consumo que indique o Instituto Nacional de Estatística ou organismo que o substitúa.

Terceiro. Ambos os dous proxenitores satisfarán por metade os gastos extraordinarios que xere a menor, entre os que se inclúen os médicos non cubertos pola Seguridade Social, e que non comprenderán os libros e material escolar, matrículas, uniformes, comedor, transporte nin actividades extraescolares.

Non se fai especial pronunciamento en canto ás custas.

Modo de impugnación: recurso de apelación no prazo de vinte días, desde a notificación desta resolución, ante a Audiencia Provincial.

E para que conste e para a súa notificación a Juan Luis Ríos Piñeiro, en paradoiro descoñecido, expido e asino este edicto.

Vigo, 16 de marzo de 2016

A secretaria xudicial