En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de asociacións sindicais e empresariais desta secretaría xeral se depositou a baixa por transformación por modificación do réxime xurídico da Asociación de Escritoras e Escritores de Lingua Galega (AELG), mediante a Resolución do 16 de febreiro de 2016, da Secretaría Xeral Técnica de Vicepresidencia e Consellería de Presidencia, Administracións Públicas e Xustiza, sobre a inscrición de transformación por modificación do réxime xurídico da Asociación de Escritoras e Escritores de Lingua Galega (AELG).
Santiago de Compostela, 29 de febreiro de 2016
Covadonga Toca Carús
Secretaria xeral de Emprego