En cumprimento do establecido no artigo 48 da Lei 21/2013, do 9 de decembro, de avaliación ambiental, faise público que, de acordo co establecido no artigo 60.1.c) da Lei 7/2012, do 28 de xuño, de montes de Galicia, a Xefatura Territorial da Consellería do Medio Rural de Lugo autorizou, mediante Resolución do 20 de maio de 2016, o cambio de actividade de forestal a agrícola nunha superficie de 3,69 hectáreas da parcela 52 (recinto 1) do polígono 5, ZCP 1, do termo municipal da Fonsagrada (Lugo).
O proxecto foi sometido previamente a avaliación ambiental simplificada, o informe de impacto ambiental foi formulado con data do 7 de abril de 2016 (anuncio publicado no DOG núm. 87, do 9 de maio).
Lugo, 23 de maio de 2016
José Ramón Losada Fernández
Xefe territorial de Lugo