O artigo 4 do Decreto 67/2007, do 22 de marzo, polo que se regula o Catálogo galego de árbores senlleiras, modificado polo Decreto 10/2015, do 22 de xaneiro, polo que se modifica o Decreto 67/2007, do 22 de marzo, polo que se regula o Catálogo galego de árbores senlleiras, establece o procedemento de catalogación e descatalogación de exemplares e formacións.
As seguintes solicitudes de inclusión de exemplares no Catálogo galego de árbores senlleiras foron realizada polas persoas interesadas de acordo con ese procedemento:
Rexistro de entrada: 631/RX2548797.
Data: 16.12.2015.
Solicitante: Concello de Vilariño de Conso.
Especie: Castanea sativa Mill.
Localidade: Vilariño de Conso.
Concello: Vilariño de Conso.
Provincia: Ourense.
Rexistro de entrada: 4211/RX725693.
Data: 18.3.2016.
Solicitante: IES do Castro.
Especie: Phytolaca dioica L.
Localidade: Vigo.
Concello: Vigo.
Provincia: Pontevedra.
Rexistro de entrada: 214/RX964741.
Data: 12.4.2016.
Solicitante: Fernando Rial Noia.
Especie: Quercus robur L.
Localidade: Antes.
Concello: Mazaricos.
Provincia: A Coruña.
O artigo 4.4 do Decreto 67/2007, do 22 de marzo, establece que as solicitudes de catalogación ou descatalogación de exemplares e formacións e a documentación presentada xunto con elas se someterán ao trámite de información pública por un prazo de vinte (20) días, para os efectos de que os interesados poidan presentar os documentos e as xustificacións que consideren pertinentes.
En consecuencia, ábrese un período de información pública das solicitudes de catalogación mencionadas neste anuncio e da documentación presentada xunto con elas, durante un prazo de vinte (20) días hábiles desde o día seguinte ao da publicación desta resolución, coa finalidade de que aqueles interesados que se consideren directamente afectados poidan remitir observacións e opinións por escrito, ou ben a través do enderezo de correo electrónico: dxcn.cmati@xunta.es, poñendo no asunto «Información pública árbores senlleiras».
Durante o citado prazo, a documentación correspondente poderá ser examinada nos seguintes lugares:
– Dirección Xeral de Conservación da Natureza da Consellería de Medio Ambiente e Ordenación do Territorio; San Lázaro, s/n, 15781 Santiago de Compostela.
– Xefaturas territoriais da Consellería de Medio Ambiente e Ordenación do Territorio de Ourense (rúa do Paseo, 18, 32003 Ourense), Pontevedra (r/ Fernández Ladreda, 43-1º-4º, 36003 Pontevedra) e A Coruña (r/ Vicente Ferrer, 2, 15008 A Coruña), segundo corresponda a cada expediente.
Durante ese mesmo período poderase consultar na páxina web da Consellería de Medio Ambiente e Ordenación do Territorio (http://www.cmati.xunta.es/seccion-organizacion/c/DX_Conservacion_Natureza?content=Direccion_Xeral_Conservacion_Natureza/Biodiversidade/seccion.html&std=expedientes_senlleiras.html&sub=Arbores_senlleiras/) a información dos expedientes que non se corresponda con datos de carácter persoal (Lei orgánica 15/1999, do 13 de decembro, de protección de datos de carácter persoal).
Santiago de Compostela, 18 de maio de 2016
Ana María Díaz López
Directora xeral de Conservación da Natureza