No Diario Oficial de Galicia número 247, do 29 de decembro de 2015, publicouse a Resolución do 28 de decembro de 2015 pola que se dá publicidade do acordo do Consello de Dirección que aproba as bases reguladoras dos premios e axudas deste instituto aos proxectos Piloto fábrica 4.0 en Galicia (Piloto fábrica 4.0), cofinanciados polo Fondo Europeo de Desenvolvemento Rexional con cargo ao programa operativo Feder Galicia 2014-2020, e procedeuse a súa convocatoria en réxime de concorrencia competitiva.
Na dita resolución, no seu punto cuarto, establécese a súa dotación orzamentaria, así como que o director xeral do Igape poderá ampliar os créditos e modificar as partidas orzamentarias, logo de declaración de dispoñibilidade dos créditos nos termos referidos no artigo 30.2 do Decreto 11/2009, mediante resolución publicada para o efecto.
No número quinto da devandita resolución establecíase que os proxectos poderían ter como prazo máximo de execución, alternativamente, o 30 de setembro de 2016 ou o 30 de xuño de 2017.
Unha vez examinados os proxectos e tomada a decisión do xurado, resulta que os prazos de execución dos proxectos individuais das empresas non se axustan á distribución de anualidades do crédito prevista inicialmente polo que, para poder resolver definitivamente a convocatoria e conceder os correspondentes premios e axudas, precísanse redistribuír os devanditos importes.
Por todo o anterior, de conformidade co disposto no artigo 49 da Lei 30/1992, do 26 de novembro, de réxime xurídico das administracións públicas e do procedemento administrativo común, e dado que non se causan prexuízos a terceiros,
RESOLVO:
Único. Redistribuír os créditos orzamentarios das bases reguladoras dos premios e axudas deste instituto aos proxectos Piloto fábrica 4.0 en Galicia (Piloto fábrica 4.0), cofinanciados polo Fondo Europeo de Desenvolvemento Rexional con cargo ao programa operativo Feder Galicia 2014-2020, publicadas mediante Resolución do 28 de decembro de 2015 (DOG núm. 247, do 29 de decembro), quedando establecidos do seguinte xeito:
Partida orzamentaria |
Orzamento 2016 |
Orzamento 2017 |
09.A1.741A.7706 |
1.442.099,37 |
2.457.900,63 |
09.A1.741A.7820 |
20.000,00 |
80.000,00 |
Santiago de Compostela, 8 de xuño de 2016
Javier Aguilera Navarro
Director xeral do Instituto Galego de Promoción Económica