Con data do 1 de abril de 2016, o Tribunal Administrativo Central de Recursos Contractuais dita resolución na que estima parcialmente o recurso especial en materia de contratación número 131/2016 C.A. Galicia 19/2016 interposto contra os pregos da licitación para a contratación do servizo de expedición dos títulos oficiais e de Suplementos Europeos ao Título (SET) dos alumnos da USC, publicado no Diario Oficial de Galicia do 9 de febreiro de 2016.
Procédese ao cumprimento da Resolución do Tribunal Administrativo Central de Recursos Contractuais nos termos que seguen:
a) Realizar a corrección do punto 11.1 do anexo I ao prego de cláusulas administrativas particulares, de especificacións do contrato.
Onde di:
|
Criterios |
Valoración (%) |
|
Sobre C: criterios valorables por fórmula: 50 puntos: Oferta máis económica = (oferta que se valora – oferta máis económica) × 50 (orzamento de licitación – oferta máis económica) |
50 puntos |
|
Sobre B: criterios non avaliables de forma automática. Melloras ás condicións do prego. Entre as melloras poden ofertarse as seguintes: – A mellora nos sistemas de envío e recepción dos títulos, que acurten os prazos de entrega aos alumnos. – A mellora na documentación e datos de entrega aos alumnos (soportes e contidos). – A colaboración na xeración e entrega do e-SET. – Calquera outra mellora que afecte a prestación do servizo de entrega de títulos, SET e e-SET. |
30 puntos |
|
Memoria técnica do servizo para a súa boa execución. Plan de xestión. |
20 puntos |
Debe dicir:
|
Criterios |
Valoración (%) |
|
Sobre C: criterios valorables por fórmula: |
80 |
|
Prezo: 50 puntos: Oferta máis económica = (oferta que se valora – oferta máis económica) × 50 (orzamento de licitación – oferta máis económica) |
50 |
|
Melloras: 30 puntos. 1. Mellora nos sistemas de envío e recepción dos títulos: 10 puntos. – Posta á disposición de sistemas informáticos para o seguimento da xestión da impresión de títulos e SET: 7 puntos. – Posta á disposición da USC da información xerada pola personalización dos títulos: 3 puntos. 2. Mellora na documentación e datos de entrega aos alumnos (soportes e contidos): 10 puntos. – Entrega de formatos complementarios aos alumnos (copia dixital, facsímil…): 3 puntos. – Entrega de títulos con contidos adicionais (sobres personalizados, tubos personalizados…): 7 puntos. 3. Colaboración na xeración e entrega do e-SET: 10 puntos. – Xeración de formatos de e-SET: 7 puntos. – Entrega de datos á USC para a xeración do e-SET: 3 puntos. |
30 |
|
Sobre B: criterios non avaliables de forma automática. Memoria técnica do servizo para a súa boa execución. Plan de xestión. |
20 |
b) Levantar a suspensión acordada polo Tribunal Administrativo Central de Recursos Contractuais o 3 de marzo de 2016 e reiniciar a tramitación do procedemento de contratación.
Ábrese un novo prazo de presentación de ofertas ata o día 26 de agosto de 2016, ás 14.00 horas. A data de apertura do sobre B será o 8 de setembro de 2016 ás 13.00 horas e a do sobre C, o 22 de setembro de 2016 ás 13.00 horas, na sala de xuntas da Casa da Balconada, Rúa Nova, 6, 15782 Santiago de Compostela.
Santiago de Compostela, 15 de xuño de 2016
O reitor da Universidade de Santiago de Compostela
P.D. (Resolución do 22.9.2015; DOG do 5 de outubro)
José Manuel Villanueva Prieto
Xerente da Universidade de Santiago de Compostela
