En cumprimento do disposto no artigo 13 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de asociacións sindicais e empresariais desta secretaría xeral se depositaron os estatutos da Asociación de Empresas Gallegas de Juegos de Azar (Asega), que ten os seguintes ámbitos:
Territorial: Comunidade Autónoma de Galicia.
Profesional: persoas xurídicas existentes ou que se poidan crear no ámbito da Comunidade Autónoma de Galicia, que desexen formar parte da mesma, teñan interés no cumprimento dos seus fins, e dediquen a súa actividade a calquera das actividades relacionadas no artigo 3 da Lei 14/1985, do 23 de outubro, reguladora do xogo en Galicia.
Asinan a acta de constitución: Ángel Jesús Chaves Cuíñas en representación da empresa Casino del Atlántico, S.A., Francisco Javier García de los Reyes-García en representación de Galbinsa, S.A.U., Iberplayer, S.A.U., Insular de Bingos, S.A.U., Royal Coruña, S.A., Royal Ferrol S.A., e Royal Vigo S.A.; Alfonso Luis García Morales en representación de Comar Orense, S.L.U., Comar Coruña, S.L.U., Comar Rías Altas, S.A.U., Comar Operadora de Lugo, S.A.U., Comercial Electrónica Recreativa, S.L.U.
Santiago de Compostela, 6 de xuño de 2016
Covadonga Toca Carús
Secretaria xeral de Emprego