Unha vez que adquiriron firmeza as sancións impostas ás empresas que se relacionan por cometer dúas infraccións moi graves en materia de prevención de riscos laborais, dáse publicidade, de conformidade co disposto na Orde da Consellería de Traballo do 30 de xullo de 2008, da publicación das sancións nesa materia e cos datos establecidos no artigo 3 da citada orde.

– Expediente: RL 2009/0008-0.

Nome ou razón social da empresa: Garza Automoción, S.A.

Sector da actividade e CNAE: mantemento e reparación de vehículos de motor (452).

CIF: A32008781.

Domicilio social: estrada nacional 525, km 230,7.

Infracción cometida: artigo 13.10 do texto refundido da Lei de infraccións e sancións na orde social, aprobado polo Real decreto lexislativo 5/2000, do 4 de agosto. Incumprir as disposicións mínimas de seguridade e saúde no relativo ao uso dos equipamentos de traballo xerando un risco grave e inminente para a seguridade e saúde dos traballadores.

Precepto legal infrinxido: artigos 3, 4.2 e 5.2 do Real decreto 1215/1997, do 18 de xullo, polo que se establecen as disposicións mínimas de seguridade e saúde para o uso dos equipamentos de traballo.

Importe da sanción económica imposta: 40.986,00 euros.

Data de expedición da acta: 21.1.2009.

Data de firmeza da sanción: 30.3.2016.

– Expediente: RL 2009/0044-0.

Nome ou razón social da empresa: Mármoles Traseira, S.L.

Sector da actividade e CNAE: corte, talla e acabado da pedra (2370).

CIF: B27113828.

Domicilio social: barrio Louzaneta, Lugo.

Infracción cometida: artigo 13.10 do texto refundido da Lei de infraccións e sancións na orde social, aprobado polo Real decreto lexislativo 5/2000, do 4 de agosto. Incumprir as disposicións mínimas de seguridade e saúde no relativo ao uso dos equipamentos de traballo, xerando un risco grave e inminente para a seguridade e saúde dos traballadores.

Precepto legal infrinxido: artigo 4.2 e 19.1 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores. Artigos 14.1, 14.2, 14.3, 15.1, 18 e 19 da Lei 31/1995, do 8 de novembro, de prevención de riscos laborais.

Importe da sanción económica imposta: 50.000,00 euros.

Data de expedición da acta: 11.9.2009.

Data de firmeza da sanción: 26.3.2016.

Conforme o disposto no artigo 2.4 da Orde da Consellería de Traballo do 30 de xullo de 2008, semestralmente publicarase a relación de empresas sancionadas na páxina web da citada consellería.

Ademais, inscribiranse no Rexistro Público de Empresas Sancionadas por comisión de infraccións moi graves en materia de prevención de riscos laborais os datos publicados neste anuncio, de acordo co previsto no artigo 4 da orde. Estes datos cancelaranse de oficio aos cinco anos contados desde o día seguinte ao da súa publicación.

Santiago de Compostela, 21 de xuño de 2016

Covadonga Toca Carús
Secretaria xeral de Emprego