Antecedentes.

A Lei 8/2013, de estradas de Galicia, determina no seu artigo 6.2 que os espazos destinados a sendas para peóns ou para a circulación de ciclistas teñan a consideración de elementos funcionais da estrada. Tendo en conta este precepto, a Xunta de Galicia elaborou a estratexia en materia de mobilidade alternativa de Galicia. Os obxectivos da dita estratexia eran o desenvolvemento duns sistemas de transporte que reduzan ao mínimo as repercusións sobre o ambiente e os seus impactos sociais e económicos.

Os beneficios esperados co fomento da mobilidade alternativa son o uso de modos de transporte non motorizados, mellora da mobilidade, da calidade do aire, da saúde, da igualdade e benestar, da economía, do patrimonio e do urbanismo.

Con data do 7 de marzo de 2016 a Axencia Galega de Infraestruturas aprobou o documento de Fomento da Mobilidade Sostible: sendas peonís e/ou ciclistas na comarca de Vigo, onde unha das sendas propostas era un itinerario peonil e ciclista na PO-331, que agora se desenvolve mediante o proxecto construtivo Itinerario peonil e ciclista na PO-331. Treito: Atín, p.q. 1+890-2+810, de clave PO/16/104.06. O dito proxecto ten por obxecto a mellora da circulación peonil e ciclista nun treito da estrada PO-331; infraestrutura viaria que conecta o núcleo urbano do Porriño, así como o seu contorno industrial, coa zona de Val Miñor (Gondomar), e por extensión coa zona costeira da Ramallosa (Nigrán).

As obras previstas comprenden tamén as seguintes actuacións:

– Construción dunha senda peonil e ciclista na marxe esquerda da estrada PO-331, dando continuidade ao itinerario peonil existente desde o núcleo urbano do Porriño.

– Mellora do itinerario peonil e ciclista de acceso ao CEIP Atín.

– Mellora da accesibilidade no itinerario peonil, mediante beirarrúas na marxe dereita da PO-331.

– Ampliación da intersección e construción dun cambio de sentido.

– Implantación da rede de saneamento no núcleo de Atín.

Considerando todo o exposto e o establecido na normativa vixente,

RESOLVO:

Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, o mencionado proxecto de construción sométese ao trámite de información pública, durante un período de trinta días hábiles, contados a partir do seguinte ao da publicación deste anuncio no Diario Oficial de Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.

Segundo. Que simultaneamente ao trámite sinalado no parágrafo anterior, e para os efectos previstos no artigo 56.1 do Regulamento de expropiación forzosa, se someta a información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.

Terceiro. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas de Pontevedra (rúa Fernández Ladreda, 43, 1º-4º, 36071 Pontevedra), na Casa do Concello de Mos (rúa Reguengo, s/n, 36416 Petelos, Mos, Pontevedra) e na Casa do Concello de Porriño (rúa Antonio Palacios, 1, 36400 O Porriño, Pontevedra). Así mesmo, na páxina web da Consellería de Infraestruturas e Vivenda (http://www.civ.xunta.es/tema/c/Infraestruturas_Estradas), atópase á disposición dos interesados o documento completo do proxecto de construción.

Santiago de Compostela, 18 de xullo de 2016

Francisco Menéndez Iglesias
Director da Axencia Galega de Infraestruturas

ANEXO
Relación de bens, dereitos e propietarios afectados

Proxecto de construción: Itinerario peonil e ciclista na PO-331.

Treito: Atín, p.q. 1+890-2-810.

Clave: PO/16/104.06.

Nº de orde	Referencia catastral	Polígono	Parcela	Titular	Superficie expropiación tipo rural	Cultivo	Bens e observacións
1	36039A01000011	010	00011	Bacelo Ramilo, M. Jesusa	26	C - Labor ou labradío secaño	4 m.l. malla de peche
2	36039A01000010	010	00010	Descoñecido	14	C - Labor ou labradío secaño
3	36039A01000009	010	00009	Alonso Ramilo, Nieves	28	C - Labor ou labradío secaño
4	36033A06206001	062	06001	Garrido Alonso, José Ángel e outros	59	MT - Matogueira
5	36033A07200577	072	00577	Durán López, Ángeles	37	I - Improdutivo
6	36033A07200576	072	00576	Ramírez Lago, Dolores e outros	28	I - Improdutivo
7	36033A07200575	072	00575	Ramírez Costas, M. Carmen	26	I - Improdutivo
8	36033A07200574	072	00574	Lago Lorenzo, Daniel	64	MM - Piñeiral madeireiro
9	36033A07200573	072	00573	Lago Lorenzo, Cándida	66	MM - Piñeiral madeireiro
10	36033A07200571	072	00571	Represas Pereiro, M. Esther	274	MT - Matogueira
11	36033A07200570	072	00570	Pereiro Lorenzo, Narciso Ramón	58	I - Improdutivo
12	36033A07200567	072	00567	Rodríguez González, José Luis	39	I - Improdutivo
13	36033A07200566	072	00566	Pérez Lago, María	67	MT - Matogueira
14	36033A07200565	072	00565	González da Graza, Santiago e outro	3	C - Labor ou labradío secaño
15	36033A07200555	072	00555	Almacén Nos 93, S.L.	31	C - Labor ou labradío secaño
16	36033A07200554	072	00554	Descoñecido	46	C - Labor ou labradío secaño
17	36033A07200498	072	00498	Alonso Alonso, Elisa	3	C - Labor ou labradío secaño
18	36033A07200490	072	00490	Represas, Carmen	10	C - Labor ou labradío secaño
19	36033A07200488	072	00488	Rodríguez Rodríguez, Juan	16	PD - Prados ou pradarías
20	36033A07200487	072	00487	Ledo Barreiro, Jorge	41	PD - Prados ou pradarías
21	36033A07200486	072	00486	Avendaño Vázquez, Matilde A.	9	I - Improdutivo
22	36033A07100467	071	00467	Alonso Táboas, Manuel	97	I - Improdutivo	11 m3 muro de pedra. 38 m2 emparrado
23	36033A07109023	071	09023	Industrias Frigoríficas del Louro, S.A.	408	I - Improdutivo
24	36033A07200593	072	00593	Alonso Taboas, Celso	0	I - Improdutivo
25	36033A07200594	072	00594	Lorenzo Alonso, Manuel	0	I - Improdutivo	Afeccións en dominio público
26	36033A07200498	072	00498	Alonso Alonso, Elisa	0	I - Improdutivo	Afeccións en dominio público
27	36033A07200491	072	00491	Táboas Rodríguez, Rosa	0	I - Improdutivo	Afeccións en dominio público
28	360033A07200492	A07	20049	Descoñecido	0	I - Improdutivo	Afeccións en dominio público
29	360033A07200596	A07	20059	Descoñecido	0	I - Improdutivo	Afeccións en dominio público
30	36033A07200497	072	00497	Ramírez Costas, José Ramón	0	I - Improdutivo	Afeccións en dominio público
31	36033A07100466	071	00466	Sorodio Rodríguez, José	0	I - Improdutivo	Afeccións en dominio público

Nota: as parcelas 1, 2 e 3 pertencen ao Concello de Mos, a pesar de que figuran como do Concello do Porriño na cartografía da Xerencia Territorial do Catastro.