Eu, Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 1359/2013, por instancia da Fundación Laboral de la Construcción contra a empresa Mampostería del Norte, S.L. Unipersonal e o Fondo de Garantía Salarial sobre cantidade, en que se ditou sentenza con data do 1.7.2016 que, copiada nos particulares necesarios, di así:
Resolución:
Estímase a demanda formulada por Fundación Laboral de la Construcción fronte á empresa Mampostería del Norte, S.L. Unipersonal, con intervención do Fondo de Garantía Salarial e, en consecuencia:
– Condénase a empresa Mampostería del Norte, S.L. Unipersonal a aboar á Fundación Laboral de la Construcción a cantidade de douscentos sesenta e un euros con dous céntimos (261,02 euros) en concepto de achega á indicada Fundación, incluída a recarga por mora.
Notifíquese a presente resolución ás partes, e fágaselles saber que contra ela non cabe recurso de suplicación por razón da contía, sen prexuízo dos demais motivos previstos no artigo 191 da LRXS.
A competencia para coñecer o recurso de suplicación corresponderá, de ser o caso, ao Tribunal Superior de Xustiza de Galicia, que se deberá anunciar ante este xulgado no prazo dos cinco días seguintes ao da notificación desta resolución, para o cal abondará a manifestación da parte ou do seu avogado, graduado social colexiado ou representante, dentro do indicado prazo.
Se o recorrente non goza do beneficio da xustiza gratuíta deberá, ao anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña.
E para que conste, para os efectos da súa publicación no Diario Oficial de Galicia, co fin de que lle sirva de notificación en forma á empresa Mampostería del Norte, S.L.U., expido e asino este edicto.
A Coruña, 5 de xullo de 2016
A secretaria xudicial
