De conformidade co disposto nos artigos 59.5 e 61 da Lei 30/1992, do 26 de novembro (BOE núm. 285, do 27 de novembro), modificada pola Lei 15/2014, do 16 de setembro (BOE núm. 226, do 17 de setembro), de réxime xurídico das administracións públicas e do procedemento administrativo común, notifícase a Rafael Oroza Menéndez, con derradeiro domicilio coñecido en Alexandre Bóveda, 1, 3º A, de Foz (Lugo), o acordo do presidente de Portos de Galicia do 22 de xuño de 2016, que inicia expediente para decretar a incautación, a favor de Portos de Galicia, da embarcación de nome Flores, con folio 3ª-CO65-4-1983, depositada no porto de Burela, por non ser posible a notificación a través do servizo de Correos.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.
O acordo emítese, por atoparse a embarcación depositada en estado de abandono desde hai mais dun ano e dado o incumprimento das ordes de retirada emitidas pola Zona Norte, con base no establecido na regra décimo quinta de aplicación á tarifa portuaria E-2 prevista na Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, e no artigo 49 do Regulamento de servizo e policía aprobado pola Orde ministerial do 12 de xuño de 1976.
O expediente completo para o seu exame e consulta está na sede dos servizos centrais de Portos de Galicia sitos na praza de Europa, número 5-A, 6º, de Santiago de Compostela.
Outórgaselle ao propietario da embarcación un prazo máximo de 15 días para formular alegacións e, igualmente, para reclamar e retirar a embarcación do porto despois do pagamento dos créditos pendentes en concepto de taxas.
Infórmase o propietario de que, decretada a incautación e tratándose de ben moble patrimonial incautado, Portos de Galicia poderá proceder de acordo co artigo 69 da Lei 5/2011, do 30 de setembro, de patrimonio da Comunidade Autónoma de Galicia, ao alleamento da embarcación.
A instrución do expediente recae no xefe da División Xurídica de Portos de Galicia.
Santiago de Compostela, 18 de xullo de 2016
José Juan Durán Hermida
Presidente de Portos de Galicia