M. Asunción Barrio Calle, letrada da Administración de xustiza da Sección Primeira da Sala Segunda do Social do Tribunal Superior de Xustiza de Galicia, fago saber:
Que no procedemento de recurso de suplicación 1684/2016 desta sección, seguido por instancia de Nathalie Cotelo contra Fogasa, Sumtec, S.L., Xeneral Panels, S.L., Bianinver Sociedad de Inversiones, S.L., e Administración Concursal Sumtec (Fernández Obanza Carro) sobre despedimento disciplinario, se ditou a seguinte resolución:
«Que estimando en parte o recurso de suplicación formulado polo letrado José Nogueira Esmorís, actuando en nome e representación de Nathalie Cotelo contra a sentenza con data do 11 de decembro de 2015 ditada polo Xulgado do Social número 3 da Coruña, en autos nº 638/2015 sobre rescisión de contrato e reclamación de cantidade seguido por instancia da parte actora contra Sumtec, S.L., Portas Blindex, S.L., General Panels, S.L., Bianinver Sociedad e Inversiones, S.L., Caamaño e Bianchi Sociedad de Inversiones, S.L., Administración Concursal de Suntec, S.L. e Fogasa e con anulación parcial da devandita resolución acordamos repoñer os autos ao momento de terse ditado a devandita resolución para que, con liberdade de criterio e asumindo a competencia propia, se resolva a acción de reclamación de cantidades acumulada, e desestimando no resto o recurso formulado mantense a declaración de incompetencia da xurisdición social para coñecer da acción de resolución de contrato formulada pola parte demandante.
Notifíqueselles esta resolución ás partes e á Fiscalía do Tribunal Superior de Xustiza de Galicia, facéndolles saber que, contra esta, só cabe recurso de casación para unificación de doutrina que se preparará por escrito perante esta sala do social, dentro dos dez días seguintes á notificación desta sentenza e de acordo co disposto na Lei de xurisdición social. Se a recorrente non estivese exenta de depósito e consignación para recorrer, deberá ingresar:
– O depósito de 600 euros na conta de 16 díxitos desta sala, aberta no Banco de Santander (Banesto) co nº 1552 0000 37 seguida do catro díxitos correspondentes ao nº do recurso e dous díxitos do ano deste.
– Asimismo, se hai cantidade de condena deberá consignala na mesma conta, pero co código 80 en vez do 37 ou ben presentar aval bancario solidario en forma.
– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 37 **** ++).
Unha vez firme, expídase certificación para constancia no rolo que se arquivará neste tribunal incorporándose o orixinal ao correspondente libro de sentenzas, logo de devolución dos autos ao xulgado do social de procedencia.
Así, por esta nosa sentenza, pronunciámolo, mandámolo e asinámolo».
E para que así conste para os efectos da súa publicación no DOG co fin de que sirva de notificación en legal forma a Bianinver Sociedad de Inversiones, S.L., con último domicilio coñecido no Polígono Industrial O Acevedo, s/n, parcela A1 e A2, 15185 Cerceda, coa advertencia de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de localización, expido e asino o presente edicto.
A Coruña, 3 de agosto de 2016
A letrada da Administracion de xustiza
