Marta Yanguas del Valle, letrada da Administración de xustiza do Xulgado do Social número 1 (reforzo) da Coruña, fago saber que no procedemento de despedimento/cesamentos en xeral 233/2016 deste xulgado do social, seguido por instancia de Gonzalo Meijide Vaamonde contra Leotrans 3000, S.L. e o Fogasa, sobre despedimento, ditouse a seguinte resolución:

«Sentenza:

Na Coruña o 19 de outubro de 2016.

Vistos por min, Patricia López Arranz, maxistrada xuíza do Xulgado do Social de reforzo da Coruña, os presentes autos de procedemento de despedimento número 233/2016 seguidos ante este xulgado por instancia de Gonzalo Meijide Vaamonde, asistido pola letrada Paula López Calviño, contra Leotrans 3000, S.L. e o Fogasa, que non comparecen, procedo a ditar sentenza de conformidade cos seguintes,

Decido que debo estimar e estimo a demanda presentada por Gonzalo Meijide Vaamonde contra Leotrans 3000, S.L., declaro improcedente o despedimento do demandante e condeno o empresario a que, no prazo de cinco días desde a data da notificación da sentenza, opte entre a readmisión inmediata da demandante, nas mesmas condicións que rexían con anterioridade, con aboamento dos salarios de tramitación desde a data do despedimento e que ascenden a 45,54 euros diarios ou ben o aboamento dunha indemnización por despedimento a razón de 1.377,59 euros.

Con intervención procesual do Fogasa.

Notifíquese a presente resolución ás partes facéndolles saber o seu dereito a interpoñer contra esta recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

Dedúzase testemuño literal desta sentenza, que quedará nestas actuacións, con inclusión da orixinal no libro de sentenzas.

Así por esta a miña sentenza, pronúncioo, mándoo e asínoo».

E para que sirva de notificación en legal forma a Leotrans 3000, S.L., en ignorado paradoiro, expido o presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 20 de outubro de 2016

A letrada da Administración de xustiza