Sentenza número 108/2016
Xuíza que a dita: Olalla Díaz Sánchez
Demandantes: Javier Gilsanz Fernández e Héctor Gilsanz Fernández
Procuradora: María Victoria Soñora Álvarez
Avogada: Rosa Iglesias Costas
Demandados: Santiago Gilsanz Fernández
Procurador: Josefa Fernández Piñeiro
Avogado: Benigno Sobral Rey
José Martín Gilsanz Fernández (rebelde procesual)
Obxecto do xuízo: acción de división da cousa común e reclamación de cantidade
Ministerio Fiscal: non intervén
Decido que, estimando integramente a demanda presentada pola representación procesual de Javier Gilsanz Fernández e Héctor Gilsanz Fernández fronte a Santiago Gilsanz Fernández e José Martín Gilsanz Fernández, declaro a extinción do condominio sobre o inmoble descrito no feito primeiro da demanda e inscrito no Rexistro da Propiedade de Tui no tomo 1052, libro 199 do Porriño, folio 98, terreo número 32244, Idufir: 36010001025976, e a súa indivisibilidade e, en consecuencia, ordeno a súa venda en poxa pública xudicial, debendo distribuírse o prezo que nela se obteña conforme o dereito de cada propietario, unha vez descontados os gastos.
Declaro a parte demandante desistida da pretensión de condena formulada fronte a Santiago Gilsanz Fernández a aboar a Javier Gilsanz Fernández a cantidade de 2.347,67 euros polas cantidades que debeu asumir detalladas no expositivo cuarto da demanda (pretensión B) do suplico da súa demanda), sobresendo o proceso e podendo exercer nova demanda contra el co mesmo obxecto se non hai outra causa que o impedir.
Sen expresa imposición de custas a ningunha das partes.
A presente resolución non é firme e contra ela cabe recurso de apelación que se preparará neste xulgado no prazo de 20 días desde a súa notificación.
Notifíquese á partes.
Así o acordo, mando e asino.
Publicación. A anterior sentenza foi publicada polo xuíz que a subscribe no mesmo día da súa data, estando celebrando audiencia pública coa miña asistencia, a letrada da Administración de xustiza, do que dou fe.
O Porriño, 14 de setembro de 2016
A letrada da Administración de xustiza
