En sesión que tivo lugar o 21 de decembro de 2016, o tribunal nomeado mediante Orde do 19 de maio de 2016 (DOG núm. 100, do 27 de maio), para cualificar o proceso selectivo para o ingreso no corpo administrativo da Administración xeral da Comunidade Autónoma de Galicia, subgrupo C1, acordou, de conformidade co disposto na base II.2.6. da convocatoria, que o terceiro exercicio da oposición terá lugar o 19 de xaneiro de 2017, en chamamento único que comezará ás 16.00 horas, nas aulas 2 e 11 da Escola Galega de Administración Pública (EGAP), en Santiago de Compostela.

Os/as aspirantes deberán ir provistos de DNI ou de documento fidedigno acreditativo da súa identidade, ao xuízo do tribunal, e de bolígrafo de tinta azul.

Non se permitirá o acceso ás aulas en que se realice o exercicio con teléfonos móbiles, axendas electrónicas, reloxos intelixentes ou calquera outro instrumento de que se poida valer o aspirante para auxiliarse na realización do exercicio. Non se habilitará ningún servizo de recollida de móbiles.

Santiago de Compostela, 21 de decembro de 2016

Francisco Tomás Couso González
Presidente do tribunal