O director da Axencia de Protección da Legalidade Urbanística ditou o 6 de setembro de 2016 resolución pola que se lle impón unha terceira multa coercitiva derivada do expediente de reposición da legalidade urbanística número IU2/47/2013 a Jesús Sobral Andreu como consecuencia de non cumprir co ordenado na Resolución do 9 de abril de 2014, que ordenaba a demolición dunha vivenda unifamiliar con acabamento de granito composta de baixo cunha superficie aproximada de 269,75 m2, primeiro andar cunha superficie aproximada de 240,63 m2, garaxe acaroado á edificación cunha superficie aproximada de 171,41 m2, con ventás e porta de carpintaría de aluminio ou PVC, cuberta de placa de formigón, en que se aprecian barras de espera de ferro para seguir coa construción e cheminea, promovidas polo interesado na parcela 282, do polígono 16, con referencia catastral 36045A016002820000WS, na rúa Estrada Praia de Cesantes, barrio do Carballiño, 21, no termo municipal de Redondela, provincia de Pontevedra.
Ao non poderse realizar a notificación persoal daquela resolución, mediante esta cédula e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle ao interesado a devandita resolución por medio dun anuncio publicado no Boletín Oficial del Estado.
En cumprimento do artigo 61 da LRXPAC, o interesado poderá comparecer, no prazo de dez (10) días hábiles contados desde o día seguinte ao da publicación deste anuncio no Boletín Oficial del Estado, nas dependencias da Axencia de Protección da Legalidade Urbanistica sitas no Edificio Witland, 1º andar, Salgueiriños, en Santiago de Compostela, das 9.00 ás 14.00 horas, de luns a venres, para o coñecemento íntegro da dita resolución e constancia del tal coñecemento. Transcorrido o devandito prazo sen efectuarse a comparecencia, a notificación entenderase producida desde o día seguinte ao da publicación deste anuncio no Boletín Oficial del Estado.
Contra esta resolución, que pon fin á vía administrativa, o interesado poderá interpoñer recurso de reposición no prazo dun mes, contado a partir do día seguinte a aquel en que producise a notificación, perante o director da Axencia de Protección da Legalidade Urbanística. Comunícaselle que o recurso unicamente será admisible por motivos de infracción do ordenamento inherentes á imposición desta multa coercitiva e é motivo de inadmisión a reiteración das mesmas razóns que se esgrimiron ou puideron esgrimirse fronte á resolución de que este acordo é un mero acto de execución.
Caso non exerza o seu dereito a presentar recurso potestativo de reposición, pode interpoñer directamente recurso contencioso-administrativo no prazo de dous meses, perante o xulgado do contencioso-administrativo en cuxa circunscrición se sitúe o inmoble afectado, conforme ao disposto no artigo 14.1, regra terceira, da Lei 29/1998, reguladora da xurisdición contencioso-administrativa.
Para que conste e lle sirva de notificación ao citado interesado, en cumprimento do disposto no artigo 59.5 da LRXPAC, expido e asino esta cédula.
Santiago de Compostela, 28 de decembro de 2016
José Antonio Cerdeira Pérez
Director da Axencia de Protección da Legalidade Urbanística
