En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na oficina pública de depósito de estatutos de organizacións sindicais e empresariais desta secretaría xeral, se procedeu a depositar a baixa da Asociación Sindical de Docentes por un Baremo Xusto, segundo acordo de disolución da asociación adoptado na asemblea xeral do 17 de decembro 2016.
Ámbito territorial: Comunidade Autónoma de Galicia.
Ámbito profesional: poderán pertencer á devandita asociación sindical todos os profesores e profesoras do ensino público que estean en contra do baremo do CXT 2013 dos corpos docentes con independencia da súa ideoloxía, raza, sexo e condición sexual.
Asinan a acta: Iria Belén Sánchez Quintáns (presidenta) e Rubén Álvarez Silva (secretario).
Santiago de Compostela, 26 de xaneiro de 2017
Covadonga Toca Carús
Secretaria xeral de Emprego