No uso das competencias atribuídas a esta xefatura territorial ao abeiro da disposición transitoria terceira da Lei 39/2015, do 1 de outubro, do procedemento administrativo común das administracións públicas, e en virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, ao seren devoltas polo servizo de Correos as notificacións enviadas no seu día, coas resolucións ditadas por esta xefatura territorial nos procedementos instados polas persoas que se citan no anexo e no prazo de dez (10) días contados desde o seguinte ao da data de publicación deste edicto no Boletín Oficial del Estado (BOE), poderán comparecer persoalmente ou debidamente representadas no Servizo de Prestacións, Inclusión e Inmigración da Xefatura Territorial da Consellería de Política Social de Vigo, rúa Concepción Arenal núm. 8, 1º andar, en horario de mañá entre as 9.00 horas e as 14.00 horas, de luns a venres, para os efectos de coñecer o texto íntegro da resolución. Advírtese que, de non facelo así, se terán por notificados.
Infórmase ás persoas que se citan no anexo de que estas resolucións non esgotan a vía administrativa e contra elas poderase interpoñer recurso de alzada ante a Consellería de Política Social no prazo dun (1) mes, contado a partir do día seguinte a data da publicación deste edicto no Boletín Oficial del Estado (BOE), segundo o disposto no artigo 38 da Lei 10/2013, do 27 de novembro, de inclusión social de Galicia, e conforme a norma reguladora do procedemento administrativo común das administracións públicas.
Vigo, 8 de febreiro de 2017
Marta Iglesias Bueno
Xefa territorial de Vigo
