O artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia número 30, do 15 de febreiro), impón a cada consellería ou entidade da Xunta de Galicia a obriga de remitir, para a súa publicación no Diario Oficial de Galicia unha relación dos convenios subscritos referida ao cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único. Darlle publicidade á relación dos convenios subscritos polo Instituto de Estudos do Territorio no terceiro cuadrimestre do ano 2016, que se incorpora como anexo a esta resolución.
Santiago de Compostela, 11 de xaneiro de 2017
Inés Santé Riveira
Directora do Instituto de Estudos do Territorio
ANEXO
Convenio |
Obxecto do convenio |
Achega económica do IET |
Data de sinatura |
Addenda ao convenio de colaboración entre o Instituto de Estudos do Territorio da Consellería de Medio Ambiente e Ordenación do Territorio e o Colexio Oficial de Arquitectos de Galicia, relativo á convocatoria dun concurso para o desenvolvemento dunha guía de cor e materiais nas doce grandes áreas paisaxísticas do catálogo das paisaxes de Galicia. |
Modificar a cláusula sexta e a base administrativa I do anexo II do convenio inicial. |
Non supón incremento económico sobre o convenio inicial |
17.10.2016 |
Convenio de cooperación educativa entre o Instituto de Estudos do Territorio e a Universidade de Vigo para realizar prácticas académicas externas. |
Regular un programa de prácticas académicas externas entre a Universidade de Vigo (Uvigo) e o Instituto de Estudos do Territorio (IET) para facilitar a preparación para o exercicio profesional do estudantado en áreas do IET, nas materias de urbanismo, ordenación do territorio, paisaxe e sistemas de información xeográfica e cartográfica, relacionadas coa súa formación universitaria e as posibles saídas profesionais desde os estudos cursados na Uvigo. Deste xeito promóvese o desenvolvemento profesional e acceso ao mercado laboral |
Sen achega económica |
30.11.2016 |