Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 53 Xoves, 16 de marzo de 2017 Páx. 13066

VI. Anuncios

a) Administración autonómica

Consellería do Mar

ORDE do 15 de febreiro de 2017 pola que se autoriza a transmisión mortis causa da concesión administrativa e da batea Sol II.

Visto o expediente instruído para os efectos de transmisión da batea Sol II e da concesión administrativa que o ampara, resultan:

a) Antecedentes de feito.

Primeiro. Mediante escrito do 28.2.2007, en representación da comunidade de herdeiros de José María Daporta Leiro e María Buceta Chaves, José María Daporta Buceta solicitou autorización para a transmisión da concesión e da batea Sol II.

Segundo. Por Resolución do 28 de decembro de 2011, da Consellería do Mar, de modificación do prazo da concesión da actividade da batea Sol II, estableceuse como data de inicio da concesión de actividade da batea Sol II o 15 de decembro de 2009 e como data de remate o 15 de decembro de 2019.

Terceiro. A persoa interesada incorpora ao expediente a copia da escritura de transmisión dos dereitos hereditarios de Manuel Daporta Buceta ao resto das persoas que compoñen a comunidade de herdeiros, realizada o 6.8.2015, ante o notario Francisco Manuel Botana Torrón, con protocolo 1117/2015; a dita comunidade de herdeiros queda composta por José María Daporta Buceta (35382847S), Ramona Daporta Buceta (35406479A), Evaristo Daporta Buceta (35397233A) e Parisina Daporta Buceta (76849223J)

Cuarto. A persoa interesada achegou a documentación requirida para a tramitación.

Quinto. O informe do Servizo de Protección dos Recursos sobre as características da batea é favorable.

b) Consideracións legais e técnicas.

Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia, modificada pola Lei 6/2009, do 11 de decembro; coa Resolución do 12 de abril de 2012, de delegación de sinatura en materia de acuicultura nos titulares das xefaturas de coordinación da Área do Mar da Consellería do Medio Rural e do Mar e coa disposición adicional novena do Decreto 177/2016, do 15 de decembro, polo que se fixa a estrutura orgánica da Vicepresidencia e das consellerías da Xunta de Galicia, que dispón que as delegacións de competencias outorgadas polos distintos órganos superiores e de dirección afectados por este decreto continuarán vixentes ata que sexan expresamente revogadas ou novamente outorgadas. Así mesmo, o Decreto 168/2015, do 13 de novembro, polo que se aproba a estrutura orgánica da Consellería do Mar, dispón a creación das xefaturas territoriais.

Segunda. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, pola que se aproba o Regulamento dos viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.

Vistas as disposicións citadas, a proposta de resolución elaborada polo Servizo de Recursos Mariños, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:

Autorizar a transmisión mortis causa, a favor de José María Daporta Buceta (35382847S), Ramona Daporta Buceta (35406479A), Evaristo Daporta Buceta (35397233A) e Parisina Daporta Buceta (76849223J), da concesión que se indica a seguir:

Identificación:

Tipo: batea.

Nome: Sol II.

Situación:

Cuadrícula nº: 37.

Polígono: F.

Distrito: O Grove (Pontevedra).

Especie autorizada: ostra plana (Ostrea edulis).

Título habilitante: concesión.

Orde de outorgamento: 21.1.1977.

Remate da vixencia: 15.12.2019.

Actuais titulares: José María Daporta Leiro e María Buceta Chaves.

Novos titulares: José María Daporta Buceta (35382847S), Ramona Daporta Buceta (35406479A), Evaristo Daporta Buceta (35397233A) e Parisina Daporta Buceta (76849223J).

Os novos titulares da concesión subróganse nos dereitos e nas obrigas dos anteriores.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.

Vigo, 15 de febreiro de 2017

A conselleira do Mar
P.D. (Resolución do 12.4.2012)
Sonia Lorenzo Santos
Xefa territorial de Vigo