Advertidos erros no anuncio publicado no Diario Oficial de Galicia do 23 de febreiro de 2017 (DOG núm. 38, páxina da 9191 á 9193), cómpre efectuar as oportunas correccións:
A epígrafe do organismo publicador baixo a cal se publica o anuncio debe ser modificada pola seguinte:
«Cámara Oficial de Comercio, Industria, Servizos e Navegación de Pontevedra, Vigo e Vilagarcía de Arousa».
Nas accións e contías obxecto da convocatoria:
«A Cámara de Comercio de Pontevedra, Vigo e Vilagarcía de Arousa anuncia a apertura de convocatoria que ten por obxecto promover a participación no Plan internacional de promoción, cofinanciado polo Fondo Europeo de Desenvolvemento Rexional (Feder, período 2014-2020) da Unión Europea, nas seguintes accións:
1. Misión comercial a México, sector téxtil (1-31 de maio de 2017). Convocatoria prevista en febreiro de 2017.
2. Visita á Feira Industrial de Hannover (22-30 de abril de 2017). Convocatoria prevista en xaneiro de 2017.
3. Visita á feira Seafood Expo Global de Bruxelas (24-28 de abril de 2017). Convocatoria prevista en febreiro de 2017.
4. Misión comercial multisectorial a Mauritania (30 de abril-5 de maio de 2017). Convocatoria prevista en febreiro de 2017.
5. Visita á feira Norshipping (Oslo) (28 de maio-3 de xuño de 2017). Convocatoria prevista en febreiro de 2017.
6. Misión comercial a Finlandia e Estonia 2017 (4-10 de xuño de 2017). Convocatoria prevista en marzo de 2017.
7. Participación na Feira de Subcontratación de Bilbo (5-9 de xuño de 2017). Convocatoria prevista en xaneiro de 2017.
8. Visita á feira Vinexpo de Bordeos (17 ao 22 de xuño de 2017). Convocatoria prevista en febreiro de 2017.
9. Misión comercial multisectorial a Paraguai e Bolivia (24 de xuño ao 1 de xullo de 2017). Convocatoria prevista en marzo de 2017.
10. Misión comercial multisectorial ao Congo e á República Democrática do Congo (10-25 de xuño de 2017). Convocatoria prevista en marzo de 2017.
11. Participación na feira China Fisheries & Seafood Expo 2017 en Qingdao (30 de outubro-6 de novembro de 2017). Convocatoria prevista en abril de 2017.
12. Participación na feira Gulfood Manufacturing 2017 en Dubai (29 de outubro-4 de novembro de 2017). Convocatoria prevista en abril de 2017.
[...]
Cuarto. Contía
A contía máxima das axudas para outorgar con cargo a estas convocatorias para o período 2014-2020 en concepto de subvencións é de:
1. Misión comercial a México, sector téxtil: 21.600 €.
2. Visita á Feira Industrial de Hannover: 6.400 €.
3. Visita á feira Seafood Expo Global de Bruxelas: 16.000 €.
4. Misión comercial multisectorial a Mauritania: 16.000 €.
5. Visita á feira Norshipping (Oslo): 12.000 €.
6. Misión comercial a Finlandia e Estonia 2017: 16.000 €.
7. Participación na Feira de Subcontratación de Bilbo: 9.600 €.
8. Visita á feira Vinexpo de Bordeos: 12.000 €.
9. Misión comercial multisectorial a Paraguai e Bolivia: 20.000 €.
10. Misión comercial multisectorial ao Congo e á República Democrática do Congo: 20.000 €.
11. Participación na feira China Fisheries & Seafood Expo 2017 en Qingdao: 23.908,80 €.
12. Participación na feira Gulfood Manufacturing 2017 en Dubai: 16.000 €.
As axudas serán cofinanciadas nunha porcentaxe de 80 % con cargo aos fondos Feder, a través do Programa operativo de crecemento intelixente 2014-2020, e o resto financiarase con cargo ás empresas participantes».
Vigo, 28 de febreiro de 2017
Manuel Fernández Pool
Secretario xeral da Cámara Oficial de Comercio, Industria,
Servizos e Navegación de Pontevedra, Vigo e Vilagarcía de Arousa