De conformidade coa Lei 21/2013, do 9 de decembro, de avaliación ambiental, artigo 36, faise público que por prazo de trinta (30) días, contados a partir do seguinte ao da publicación deste anuncio no Diario Oficial de Galicia, quedará exposto o estudo de impacto ambiental para o proxecto de ampliación dunha explotación porcina de recría, promovida por Agroganadera de Seoane, S.L., nas dependencias da Dirección Xeral de Calidade Ambiental e Cambio Climático, sitas en Santiago de Compostela (San Lázaro, s/n, planta baixa), no concello de Xunqueira de Espadanedo (Praza dos Amigos, s/n, 32730 Xunqueira de Espadanedo) e na Xefatura Territorial de Ourense da Consellería de Medio Ambiente e Ordenación do Territorio (avda. da Habana, 79, 5, 32071 Ourense) co fin de que calquera interesado poida consultalo e, se for o caso, formular no dito prazo as alegacións, suxestións ou observacións que considere convenientes.
Para efectos deste expediente, o órgano substantivo é a Dirección Xeral de Calidade Ambiental e Cambio Climático.
Este estudo tamén se poderá consultar na ligazón http://www.cmati.xunta.es/seccion-tema/c/Avaliacion_ambiental?content=SX_Calidade_Avaliacion_Ambiental%2FAvaliacion_impacto_ambiental_proxectos%2FSeccion_AIA.html&ui=SX_Calidade_Avaliacion_Ambiental%2FAvaliacion_proxectos%2Fdinamico%2Flistado_proxecto_aap_central.html&sub=Participacion_publica%2F&clase=Xestion%2FProxecto_aap%2FTipo_proxecto%2FIP_AIA_ordinaria%2F.
Santiago de Compostela, 7 de marzo de 2017
María Cruz Ferreira Costa
Directora xeral de Calidade Ambiental e Cambio Climático