En virtude da Resolución do 14 de febreiro de 2017, da Dirección Xeral da Función Pública, publicada no Diario Oficial de Galicia nº 37, do 22 de febreiro, aprobáronse as listas provisionais de persoas admitidas e excluídas do proceso selectivo para o ingreso no corpo facultativo superior da administración especial da Administración xeral da Comunidade Autónoma de Galicia, subgrupo A1, escala de ciencias, especialidade de bioloxía.

Unha vez transcorrido o prazo regulamentario para a presentación de reclamacións sobre as ditas relacións de persoas admitidas e excluídas, de conformidade co artigo 12 do Regulamento de selección de persoal da Administración da Comunidade Autónoma de Galicia, e coa base I.4.2 das que rexen o proceso selectivo convocado pola Orde do 12 de abril de 2016, publicada no Diario Oficial de Galicia nº 85, do 4 de maio, esta dirección xeral,

RESOLVE:

Aprobar as listas definitivas de persoas admitidas e excluídas do proceso selectivo para o ingreso no corpo facultativo superior da administración especial da Administración xeral da Comunidade Autónoma de Galicia, subgrupo A1, escala de ciencias, especialidade de bioloxía.

A lista definitiva de persoas aspirantes admitidas poderase consultar no portal web corporativo funcionpublica.xunta.gal.

A lista de persoas aspirantes excluídas, con indicación da causa determinante da súa exclusión, figura como anexo a esta resolución.

A Administración devolverá de oficio o importe ingresado en concepto de dereitos de exame a aquelas persoas aspirantes definitivamente excluídas que, de acordo coa base I.3, realizaron o pagamento con certificado dixital ou DNI electrónico ou ben fixeron constar na súa solicitude o número de conta para estes efectos. Para a devolución do importe ingresado por aquelas outras persoas aspirantes que non fixeron constar eses datos e figuren nesta resolución como excluídas será necesaria a presentación dun escrito no cal a persoa interesada faga constar o número de conta (24 díxitos), a entidade bancaria e a localidade desta ou dun certificado expedido pola entidade en que figuren eses datos. Esta documentación deberá ser presentada no prazo dun mes contado a partir do día seguinte ao da publicación desta resolución no Diario Oficial de Galicia.

De conformidade co disposto na base I.3, non procederá a devolución do importe aboado en concepto de dereitos de exame nos supostos de renuncia a participar no proceso das persoas solicitantes admitidas provisional ou definitivamente.

Contra esta resolución poderase interpoñer recurso potestativo de reposición ante o conselleiro de Facenda, no prazo dun mes, contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, ou poderase interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde a mesma data, de conformidade co disposto no artigo 8.2 da Lei 29/1998, do 13 de xullo, en relación co artigo 10.1 do mesmo texto legal.

Santiago de Compostela, 31 de marzo de 2017

José María Barreiro Díaz
Director xeral da Función Pública

Anexo
Relación de persoas aspirantes excluídas

Acceso libre

Apelidos e nome	NIF	Quenda	Motivo da exclusión
Astoreca Urquidi, Aitor	30690762E	Libre	18
Badal Palacio, Javier	71550897J	Libre	43
Blanco Cartagena, Andreu	43143634G	Libre	58
Calviño Sampedro, Cristina	52931889B	Libre	17, 20, 58
Conde Santiago, Mónica	76873145S	Libre	43
Fabián García, María Concepción	34966851C	Libre	15
Labrador Quintáns, Adriana	76931685C	Libre	17, 20, 58
Lores Vázquez, Beatriz	36062366E	Libre	17, 20, 58
Maceira Rodríguez, Óscar	45846427K	Libre	18
Otero Ojea, Sandra	39466681S	Libre	17, 20, 58
Pedreira Bar, Adrián	36164882G	Libre	25, 61
Saavedra Vázquez, Santiago	77594543H	Libre	17, 20, 58
Salgueiro Fernández, Rocío	77408577F	Libre	43
Suárez Fontenla, María	32837151M	Libre	43

Código	Descrición
15	Documento xustificativo exención taxas non cotexado
17	Doc. xustif. demandante emprego seis (6) meses antes convocatoria non presentado
18	Doc. xustif. demandante emprego seis (6) meses antes convoc. non válido
20	Taxas non aboadas
25	Doc. xustif. demandante emprego seis (6) meses antes convocatoria non cotexado
43	Desistencia da solicitude
58	Doc. xustif. de non percibir prest. ou subs. por desemprego non presentado
61	Doc. xustif. de non percibir prest. ou subs. por desemprego non cotexado