1. Resolución do 30 de marzo de 2017 pola que se lle encomenda ao medio propio Empresa Pública de Servizos Agrarios Gallegos, S.A. as obras de recuperación, restauración, adecuación e limpeza de puntos de vertedura incontrolada en diferentes concellos de Galicia, cofinanciada polo Fondo Europeo de Desenvolvemento Rexional nun máximo dun 80 % no marco do programa operativo Feder Galicia 2014-2020. Eixe 06, prioridade de investimento 06.04, obxectivo específico 06.04.01.

– Actividade. Execución das obras de recuperación, restauración, adecuación e limpeza de puntos de vertedura incontrolada en diferentes concellos de Galicia. Os traballos encomendados consisten en actuacións de clasificación dos residuos para a súa reciclaxe ou valorización no perfilado e acondicionamento dos residuos inertes e na revexetación mediante o estendido de terra vexetal e a sementeira con especies pratenses. Inclúese o levantamento GPS do punto de vertedura incontrolada, reportaxe fotográfica anterior e posterior á execución e a elaboración e redacción de informes.

– Natureza e alcance da xestión encomendada. Esta encomenda ten natureza intersubxectiva ao ter Seaga a consideración de medio instrumental da Administración, segundo o disposto no punto 2 do artigo 1 da instrución conxunta das consellerías de Economía e Facenda e do Medio Rural, sobre o réxime das encomendas á empresa pública de Servizos Agrarios Galegos, S.A., do 19 de marzo de 2007.

– Prazo de vixencia. Os traballos encomendados executaranse nun prazo máximo de 5 meses contados desde o día seguinte a que a Dirección Xeral de Calidade Ambiental e Cambio Climático, a través da persoa designada pola Dirección Xeral de Calidade Ambiental e Cambio Climático como coordinadora do encargo, da orde do comezo dos traballos.

– Modalidade de financiamento. Esta encomenda financiase nun 80 %, a través do Fondo Europeo de Desenvolvemento Rexional, no marco do programa operativo Feder Galicia 2014-2020. Eixe 06, prioridade de investimento 06.04, obxectivo específico 06.04.01.

Santiago de Compostela, 31 de marzo de 2017

Beatriz Mato Otero
Conselleira de Medio Ambiente e Ordenación do Territorio