O Pleno do Concello, na sesión ordinaria que tivo lugar o día 3.5.2017, aprobou inicialmente o proxecto de modificación puntual das normas subsidiarias do concello no ámbito da rúa Juan Antonio Suances, de acordo coa documentación, de data de xaneiro de 2017, que redactou o despacho de arquitectura e urbanismo de María Ríos Carballeira, colexiada do COAC 53014-1, e que se entregou no concello o día 15.2.2017 (RE núm. 1205).
O que se fai público, en cumprimento do disposto no artigo 60.6 da Lei 2/2016, do 10 de febreiro, do solo de Galicia, co fin de que, durante o prazo de dous meses, contado a partir do día seguinte ao da publicación deste anuncio, os interesados poidan consultar o expediente no Departamento de Urbanismo do Concello (avenida de Castelao, núm. 36), de luns a venres, en horario de 8.00 a 14.30 horas, e formular as alegacións que xulguen oportunas.
A documentación sometida a información pública tamén se pode consultar na páxina web do concello www.aspontes.org
As Pontes de García Rodríguez, 8 de maio de 2017
O alcalde
P.D. (Decreto 1245/2015, do 2 de xullo)
Antonio Alonso Román
Concelleiro delegado da Área de Facenda, Patrimonio, Urbanismo e Servizos