1. Entidade adxudicadora:
a) Organismo: Concello de Cuntis.
b) Dependencia que tramita o expediente: Secretaría.
c) Obtención de documentación e información:
i. Dependencia: Secretaría.
ii. Domicilio: praza Constitución, nº 4.
iii. Localidade: Cuntis. CP 36670.
iv. Teléfono: 986 54 80 05.
v. Fax: 986 53 39 95.
vi. Correo electrónico: contratación@concellodecuntis.es
vii. Enderezo da internet do perfil do contratante: /www.contratosdegalicia.gal
2. Obxecto do contrato:
a) Tipo: contrato de servizos suxeito a regulación armonizada.
b) Descrición: servizo de axuda no fogar.
c) Lugar de execución: concello de Cuntis.
d) Prazo de execución: 24 meses, prorrogable ano a ano, por dous máis.
e) Código CPV principal: 85312000.
3. Tramitación e procedemento:
a) Tramitación: ordinaria.
b) Procedemento: aberto.
c) Criterios de adxudicación: aberto con varios criterios de adxudicación, que son os seguintes:
1º. Criterios avaliables mediante un xuízo de valor ata un máximo de 30 puntos: proxecto técnico do servizo de axuda no fogar no concello de Cuntis (esta documentación deberase incluír no sobre B):
Proposta de organización do servizo:
Memoria en que se describa a proposta do licitador para o cumprimento do contrato, axustándose ao previsto nos pregos de prescricións administrativas e técnicas. Este documento non terá unha extensión superior a 40 páxinas, 20 follas impresas a dúas caras en formato de impresión A4, letra arial 12 e interliñado 1,5. Serán rexeitados aqueles plans que superen a dita extensión.
A memoria fará referencia no seu contido a todos os aspectos enunciados a seguir, garantindo a claridade e a coherencia expositiva, procurando facilitar o coñecemento da oferta que se presenta, evitando información irrelevante. Poderán achegarse anexos con contidos vinculados ao proxecto formulado, sempre que estes faciliten a súa comprensión.
Valorarase o proxecto de traballo/memoria para a prestación do servizo ata un máximo de 30 puntos, segundo os seguintes criterios:
a) Estudo para a prestación do SAF atendendo á realidade social, económica e xeográfica do concello de Cuntis: máximo 10 puntos.
1.1. Adecuación do servizo á realidade social e contextualización do SAF en consonancia coas características poboacionais e demográficas do concello |
Ata 2 puntos |
1.2. Definición dos obxectivos operativos |
Ata 2 puntos |
1.3. Metodoloxía: proceso de diagnose, planificación e execución |
Ata 2 puntos |
1.4. Estratexias de acción que melloren a calidade do servizo mediante o achegamento dos recursos e/ou servizos as persoas beneficiarias: xestións de receitas médicas, comidas a domicilio, servizo de recollida e traslado de roupa, accións de inclusión e integración na comunidade, etc. |
Ata 3 puntos |
1.5. Claridade e coherencia expositiva |
Ata 1 punto |
b) Sistema de organización dos recursos humanos adscritos directamente á execución do contrato no concello de Cuntis. Persoal de adscrición directa: persoal técnico e persoal auxiliar. Máximo 5 puntos.
2.1. Congruencia das funcións asignadas a cada profesional |
Ata 2 puntos |
2.2. Planificación do equipo de traballo, organización de horarios, cuadrantes, substitucións, criterios de acceso para o persoal auxiliar incluído nas listas de espera para as posibles substitucións, etc. |
Ata 3 puntos |
c) Plan de formación dos/as traballadores/as, con indicación de horas anuais. Máximo 5 puntos.
Formación complementaria a maiores da exixida, 20 horas de formación por traballador/a, recollida no prego de prescricións técnicas.
Valorarase o plan de formación que a empresa presente para contribuír á reciclaxe profesional do seu cadro de persoal, sempre que estea relacionado directamente co servizo de axuda no fogar e atención sociosanitaria e así mesmo a formación transversal e complementaria en materia de igualdade, condutas adictivas, seguridade e hixiene no traballo, protección de datos, etc. Deberase incluír una descrición de cada unidade formativa indicando os contidos, número de horas, perfil profesional a quen se dirixe a formación e se é de carácter presencial ou a distancia:
Nº horas por curso |
Presencial-puntuación |
Semipresencial ou a distancia-puntuación |
Menos de 20 horas |
0 |
0 |
Entre 21 e 30 horas |
0,25 |
0,125 |
Entre 31 e 40 horas |
0,50 |
0,25 |
Entre 41 e 50 horas |
1 |
0,5 |
Máis de 51 horas |
1,5 |
0,75 |
d) Protocolos de actuación, soportes documentais, electrónicos, organización e avaliación do servizo, que garante a calidade na acción: máximo 10 puntos.
4.1. Sistemas de coordinación de carácter interno e externo |
Ata 1 punto |
4.2. Soportes documentais que se van empregar |
Ata 1 punto |
4.3. Soportes electrónicos que permitan o control desde o Concello do cumprimento do contrato en tempo real (horarios das auxiliares, tarefas, incidencias, informes de seguimento, etc.) |
Ata 3 puntos |
4.4. Protocolos de actuación: altas, incidencias, suplencias, ausencias, emerxencias, resolución de queixas, etc. |
Ata 2 puntos |
4.5. Procedemento de avaliación continua de prestación do servizo con proposta de indicadores, instrumentos e fases con cronogramas para o período do contrato |
Ata 3 puntos |
2º. Criterios avaliables de xeito automático ata 40 puntos (estes deberanse incluír no sobre C).
A) Melloras gratuítas no servizo.
Valoraranse as melloras achegadas polas empresas, sen custo adicional para o Concello nin para as persoas usuarias do servizo, ata un máximo de 20 puntos, repartidos do seguinte xeito:
i. Prestación de axudas técnicas.
A empresa licitadora deberá indicar o número de axudas que pon á disposición do Concello por anualidade, de xeito que se houber prórroga por unha anualidade máis o número total de axudas técnicas ofertadas sen custo sería o mesmo. Incluirá o transporte e entrega no domicilio das persoas usuarias, montaxe e desmontaxe, mantemento e recollida. Ata un máximo de 9 puntos.
As empresas licitadoras deberán presentar descrición detallada, soporte fotográfico e descrición destas, así como o procedemento das entregas a domicilio, recollida e o seu mantemento.
a) Guindastres de mobilización persoal: de 0 a 4 puntos.
b) Camas articuladas eléctricas: de 0 a 3 puntos.
c) Colchóns antiescaras: de 0 a 1 punto.
d) Cadeira de baño xiratoria: de 0 a 1 punto.
Obterán a máxima puntuación por cada tipo de axuda técnica as empresas que oferten o maior número de axudas técnicas, 0 puntos as que non as oferten ou sexan distintas ás establecidas, e as demais valoraranse de xeito proporcional.
ii. Actividades de servizos complementarios.
Desenvolveranse fóra do horario habitual do servizo. A empresa deberá indicar o número de servizos, que equivale a número de horas, que pon á disposición do Concello para unha anualidade do contrato, tendo en conta que si houber prórrogas o número total de servizos ofertados sen custo sería o mesmo para cada anualidade prorrogada, ata un máximo de 11 puntos.
Obterá a máxima puntuación a empresa que oferte o maior número de horas anuais en total, 0 puntos as que non oferten ningún servizo dos indicados e as demais de xeito proporcional:
a) Servizo de fisioterapia a domicilio: de 0 a 2 puntos.
b) Servizo de podoloxía a domicilio: de 0 a 2 puntos.
c) Servizo de terapia ocupacional a domicilio: de 0 a 1 punto.
d) Servizo de atención psicolóxica e de educación social: de 0 a 1 punto.
e) Servizo de perrucaría a domicilio: de 0 a 1 punto.
f) Servizo de acompañamentos: de 0 a 1 punto. Dirixido ás persoas que carecen de apoio familiar e que polas súas características precisan dun acompañamento.
g) Atención e traballos profesionais de urxencia do servizo do SAF: de 0 a 2 puntos.
h) Limpezas xerais ou de choque no domicilio: de 0 a 1 punto.
B) Oferta económica.
O prezo ofertado valorarase cunha puntuación máxima de 20 puntos. Atribuiranse os 20 puntos á oferta económica que conteña o importe máis baixo, 0 puntos á oferta económica que conteña o orzamento base de licitación, e o resto das ofertas valoraranse de xeito proporcional.
4. Valor estimado do contrato: 1.618.552,00 euros (sen IVE). O prezo unitario base máximo por hora de prestación de servizo é de 13 euros, incluídos os servizos prestados en sábados, domingos e días festivos, e o correspondente IVE.
5. Garantías:
a) Provisional: non se exixe.
b) Definitiva: 5 % do prezo de adxudicación (excluído o IVE).
6. Requisitos específicos do contratista:
a) Solvencia económica: volume anual de negocios por importe igual ou superior ao exixido no anuncio de licitación do procedemento e nos pregos do contrato relativo a un ano de execución do contrato, acreditado mediante a achega do resumen da declaración do IVE presentada en Facenda (modelo 390), correspondente ao último exercicio presentado. Trátase de que o licitador conte cos medios financeiros adecuados para o exercicio da súa actividade; moi especialmente no que se refire aos compromisos que para a execución do contrato poida contraer con terceiras persoas.
b) Solvencia técnica: deberase acreditar a solvencia técnica polos seguintes medios: unha relación dos principais servizos ou traballos realizados nos últimos cinco anos que inclúa importe, datas e o destinatario, público ou privado, destes. Os servizos ou traballos efectuados acreditaranse mediante certificados expedidos ou visados polo órgano competente, cando o destinatario sexa unha entidade do sector público; cando o destinatario sexa un suxeito privado, mediante un certificado expedido por este ou, na falta deste certificado, mediante unha declaración do empresario; se é o caso, estes certificados serán comunicados directamente ao órgano de contratación pola autoridade competente.
c) Habilitación empresarial e profesional. Especificamente para este servizo, os licitadores deberán acreditar estar en posesión da autorización de entidade prestadora de servizos sociais, conforme a normativa de aplicación: estar debidamente autorizada de conformidade co establecido no Decreto 143/2007, do 12 de xullo, polo que se regula o réxime de autorización e acreditación dos programas e centros de servizos sociais. Estar acreditadas de conformidade co disposto na Lei 39/2006, do 14 de decembro, e o Decreto 143/2007, do 12 de xullo.
7. Presentación de ofertas:
a) Data límite de presentación: 31.5.2017.
b) Data de envío do anuncio ao DOUE: 21.4.2017.
c) Documentación que hai que presentar: a sinalada na cláusula 11ª do prego de cláusulas administrativas particulares que rexen a contratación.
d) Lugar de presentación: Rexistro Xeral de Entrada do Concello de Cuntis, sito en praza da Constitución nº 4, Cuntis, 36670.
8. Apertura de ofertas:
a) Enderezo: praza da Constitución, nº 4.
b) Localidade e código postal: Cuntis, 36670.
c) Data e hora: 12.6.2017 ás 9.00.
9. Gastos de publicidade: serán por conta do adxudicatario os gastos de publicación dos anuncios nos boletíns oficiais.
Cuntis, 25 de abril de 2017
Manuel Campos Velay
Alcalde