En sesión que tivo lugar o día 23 de maio de 2017 o tribunal nomeado pola Orde do 24 de novembro de 2016 para cualificar o proceso selectivo para o ingreso no corpo superior da Administración xeral da Comunidade Autónoma de Galicia, subgrupo A1, escala superior de estatísticos/as, acordou, de conformidade co disposto na base II.1.2.6 da convocatoria, que o terceiro exercicio da fase de oposición terá lugar o día vinte (20) de xuño de 2017, na aula nº 11 da Escola Galega de Administración Pública, en chamamento único que se iniciará ás 16.00 horas.

As persoas aspirantes deberán ir provistas de DNI ou documento fidedigno acreditativo da súa identidade, a xuízo do tribunal e bolígrafo de tinta azul. Serán provistas de calculadora polo tribunal e quedan prohibido o uso doutras distintas das que se lles faciliten.

Non se permitirá o acceso ao recinto onde se realice o exercicio con teléfonos móbiles, axendas electrónicas, reloxos intelixentes ou calquera outro instrumento do que se poida valer o aspirante para auxiliarse na realización do exercicio. Non se habilitará no recinto ningún servizo de recollida de móbiles.

Santiago de Compostela, 23 de maio de 2017

Manuel Mateo Díaz
Presidente do tribunal