Estase a tramitar na Xefatura da Zona Centro de Portos de Galicia unha concesión administrativa a favor de José Sanmartín Crugeiras para a instalación e explotación de caseta desmontable para bar-cafetaría no dominio público portuario de Aguiño, de acordo co Proxecto básico modificado xaneiro 2016. Concesión administrativa de instalacións destinadas a cafetaría, asinado no mes de xaneiro de 2016 polo enxeñeiro industrial Fernando García-Pintos Escuder (colexiado número 907).
O que se fai público para os efectos previstos no artigo 85 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante (BOE núm. 253, do 20 de outubro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Centro de Portos de Galicia, situadas na rúa Alférez Provisional, 5-1º, 15006 A Coruña, no prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia. A documentación está á disposición na web www.portosdegalicia.com.
A Coruña, 19 de maio de 2017
Lorena Solana Barjacoba
Xefa da Zona Centro de Portos de Galicia